A Mesa pola Normalización Lingüística

Para outras páxinas con títulos homónimos véxase: Mesa.

A Mesa pola Normalización Lingüística
Instancia de asociación cultural
Coincidente Plataforma Queremos Galego! Vía Galega
Persoas e organizacións
Cargo dirixente Presidente da Mesa pola Normalización Lingüística
Fundador/a Associaçom Galega da Língua Asociación Socio-Pedagóxica Galega Asociación de Escritoras e Escritores en Lingua Galega Federación de Asociacións Culturais Galegas
Presidente/a Marcos Maceira abril de 2014 Carlos Callón 2002 - 2014 Concha Costas 1997 - 2002 Xosé Manuel Sarille 1986 - 1997 Avelino Pousa Antelo
Entidades subsidiarias Fundación Vía Galego
Actividade
Obxectivo normalización lingüística
Datas
Fundación / creación abril de 1986
Cronoloxía
Acontecementos Correlingua Abertos ao galego Liña do galego Pipocas
Recoñecemento
Premios Premio Xela Arias (2022)
Localización
Situado en Santiago de Compostela, provincia da Coruña, Galicia, España  Área de operación Galicia  Enderezo Rúa García Prieto 7, 15706
Fontes e ligazóns
Páxina WEB amesa.gal Redes
Wikidata C:Commons

A Mesa pola Normalización Lingüística, MNL, é unha organización galega que ten como obxectivo a galeguización da vida pública e a normalización da lingua galega, procurando manter unha independencia que permita a conxunción de esforzos de colaboradores homoxéneos.

Traxectoria

Creouse tras o Encontro sobre o estado actual da normalización lingüística celebrado en 1986 e en virtude do acordo adoptado nesas xornadas pola Asociación de Escritores en Lingua Galega, a Asociación Sócio-Pedagóxica Galega, Federación de Asociacións Culturais Galegas e a Associaçom Galega da Língua. O seu primeiro presidente foi Xosé Manuel Sarille.

A súa actividade desenvólvese no campo do ensino, banca, toponimia, galego exterior, comercio e empresa, administración, e toda a vida pública galega. O seu presidente actual é o historiador e xestor cultural Marcos Maceira, que sucedeu a Carlos Callón o 26 de abril de 2014. Segundo datos da propia organización contaba en 2008 con 3300 socios .

En agosto de 2012 falecía o seu presidente de honra Avelino Pousa Antelo.

Actividade

A Mesa Pola Normalización Lingüística fai campañas de promoción do uso do galego e de concienciación con problemas concretos con institucións, organizacións ou persoas.

A finais dos anos noventa SEAT sacou ao mercado un coche chamado SEAT Arosa. A Mesa fixo unha intensa campaña incluíndo o envío de postais cun coche debuxado á sede da empresa en Barcelona onde se solicitaba o troco do nome por Arousa A campaña tivo boa acollida e SEAT ofreceu a quen o solicitase o troco da placa co nome.

Durante anos a Mesa tivo unha dura loita nos tribunais contra o Concello da Coruña polo nome da cidade. O entón alcalde Paco Vázquez levou aos tribunais o asunto onde foi rexeitada a postura do alcalde. O propio Carlos Callón lembroulle ao concello que esta liorta custáralle ao Concello da Coruña un millón de euros. O caso ten pechada a fronte xudicial.

Carlos Callón foi denunciado por Antonio Fraga Mandián, ex xuíz decano da Coruña, por telo acusado de prevaricar ao dicir nunha entrevista que era consciente de que o nome oficial e legal da cidade é A Coruña pero el seguiría a empregar La Coruña. Este xuíz xa denunciara a outro veciño en 2008 por solicitar ao xulgado que lle remitise a documentación en galego.

En xaneiro de 2013 Carlos Callón foi absolto da falta por inxurias. O 10 de maio de 2013 repetiuse o xuízo na Audiencia Provincial da Coruña.

No 2017 A Mesa realizou unha campaña chamada "Sentido Común" para presentar unha Iniciativa Lexislativa Popular (ILP) para reclamar que se garanta materialmente o exercicio do dereito á información e á atención en galego no ámbito socioeconómico.

Presidentes da Mesa

• Xosé Manuel Sarille (1986–1997)
• Concha Costas (1997–2002)
• Carlos Callón (2002–2014)
• Marcos Maceira (2014–)

• 
  Cartel no xuízo a Carlos Callón na Audiencia Provincial da Coruña.
• 
  Mobilización en apoio dunha nena discriminada en Casas Novas (Arteixo).
• 
  Concentración de Queremos Galego en 2012.
• 
  Globo publicitario da Mesa no Correlingua 2013.

Recoñecementos

• VIII Edición Premios San Martiño de nomalización lingüística (1998), no Concello da Estrada.
• A Asociación Galega de Profesionais da Tradución e da Interpretación (AGPTI) concedeullo o V Premio Xela Arias polo "seu labor e dedicación na iniciativa de cambio da nova Lei Xeral do Audiovisual para conseguir que o galego teña financiamento anticipado nas producións audiovisuais nas canles e plataformas de televisión lineais ou baixo demanda".

Véxase tamén

Ligazóns externas

• Páxina da Mesa pola Normalización Lingüística