Unidade Galega (coalición)

	Instancia de partido político galego
	Nome curto UG

Unidade Galega
	Instancia de partido político galego
	Nome curto UG
	Ideoloxía política nacionalismo galego; socialismo; federalismo
	Posición política esquerda política
Implicados
	Presidente/a Francisco Fernández del Riego ; Camilo Nogueira Román ; Avelino Pousa Antelo
Organizacións
	Coalición política Partido Obreiro Galego; Partido Socialista Galego; Partido Galeguista
Datas
	Fundación / creación 1979
	Disolución / destrución 1980
Localización
	País España
Freebase
Identificadores
Freebase
Freebase	/m/02vpmq4
	Wikidata

Para o partido político formado en 1991, vexa Unidade Galega (partido)

Unidade Galega (UG), foi unha coalición formada polo Partido Obreiro Galego, o Partido Socialista Galego e o Partido Galeguista en 1979.^[1]

Historia

A fin da coalición era a defensa dunha autonomía semellante á de Cataluña e o País Vasco e a consecución dun grupo nacionalista no Congreso dos Deputados para negociar o Estatuto de Autonomía de Galicia de 1981. Aínda que nas eleccións xerais de 1979 obtivo 58.391 votos (5'35 %) non conseguiu representación parlamentaria. Nas eleccións municipais de 1979 tivo 68.759 votos (6'35 %) e conseguiu 141 concelleiros e a alcaldía da Coruña para Domingos Merino. Grazas a estes resultados a coalición tamén conseguiu dous deputados provinciais^[2]. Á parte da alcaldía da Coruña, UG tamén conseguiu as de Cambados, Narón, Rairiz de Veiga, Redondela, As Pontes de García Rodríguez, Touro, Vilaboa e Malpica de Bergantiños.

As diferenzas no seo da Unidade Galega sobre a estratexia a seguir no proceso autonómico e a diferente postura dos partidos integrantes sobre a conveniencia de entrar na Comisión dos 16 (encargada de elaborar o proxecto de Estatuto) levaron á desaparición da coalición a finais de 1980, tras o abandono da mesma polo Partido Galeguista.

Eleccións

Eleccións	Votos	%	Deputados/concelleiros	Alcaldes
Eleccións xerais de 1979	58.391	5,35%	0 / 350	-
Eleccións municipais de 1979	68.759	6,35%	141 / 4,072	9 / 312

Notas

↑ Muruais, Perfecto Conde (1979-01-17). "Unidade Galega, primera coalición galleguista". El País (en castelán). ISSN 1134-6582. Consultado o 2020-06-14.
↑ "Galicia: elecciones a Diputación Provincial de A Coruña Lugo Ourense Pontevedra". www.historiaelectoral.com. Consultado o 2020-06-14.

Véxase tamén

Bibliografía

Fernández Baz, Manuel Anxo (2003). A formación do nacionalismo galego contemporáneo (1963-1984). Santiago de Compostela: Laiovento. ISBN 978-8484870210.
Beramendi, Xusto; Núñez Seixas, X.M. (1996). O nacionalismo galego. Colección: Historia de Galicia, nº 18. Vigo: A Nosa Terra. ISBN 9788489138643.

[1] Muruais, Perfecto Conde (1979-01-17). "Unidade Galega, primera coalición galleguista". El País (en castelán). ISSN 1134-6582. Consultado o 2020-06-14.

[2] "Galicia: elecciones a Diputación Provincial de A Coruña Lugo Ourense Pontevedra". www.historiaelectoral.com. Consultado o 2020-06-14.

[1]

[2]