Unión Socialista Galega

Na Galipedia, a Wikipedia en galego.
Unión Socialista Galega
Partido político de Galiza
Usg-bandeira.JPG
Dirixentes e organización
Líder Xoán Xesús González
Historia
Fundación 1932
Disolución 1933
Posicións políticas
Ideoloxía Marxismo, independentismo galego, nacionalismo galego

A Unión Socialista Galega (USG) foi un partido galeguista e marxista fundado en agosto de 1932 por Xoán Xesús González a partir do Seminario de Estudos Socialistas, tan só tivo implantación na comarca de Santiago. Tivo como voceiro oficioso o quincenal Amañecer. Nas eleccións de novembro de 1933 presentou candidatos en todas as provincias como independentes (Xoán Xesús González pola Coruña, Siervo González Rivas por Lugo, Jesús Núñez Rodríguez por Ourense e Francisco Guimarey por Pontevedra) e compartiu mitins cos candidatos do Partido Galeguista[1]. Disolveuse tralo fracaso electoral e o triunfo da dereita, integrándose en Izquierda Republicana. A súa importancia histórica ven dada por ser o antecedente dos partidos marxistas nacionalistas que apareceron en Galicia nos anos sesenta.

Notas[editar | editar a fonte]

  1. "Unión Socialista Gallega" in El Compostelano, 3-11-1933, p. 1, 3.