Praza Pública

Na Galipedia, a Wikipedia en galego.
Praza Pública
Tipo Dixital
Cor Cor
Fundación 1 de febreiro de 2012
Director David Lombao
Lingua galego
Localidade A Coruña
Ámbito Galicia
Na rede
Web
Twitter @prazapublica
Facebook

Praza Pública é un xornal dixital en galego que comezou a editarse o 1 de febreiro de 2012.[1]

Traxectoria[editar | editar a fonte]

Pola licenza libre que usan, CC BY-SA, moitas das imaxes que publica poden reutilizarse, coma esta das protestas leiteiras do 2015.

Praza Pública é propiedade da Fundación Praza Pública. Foi presentado o 31 de xaneiro de 2012 no Museo do Pobo Galego en Santiago de Compostela expoñendo nese acto a base da súa liña editorial, a transparencia, tanto na xestión económica coma na informativa[1].

O xornal desenvólvese usando unicamente software libre e o 8 de febreiro do 2012 liberaron todo o código fonte das ferramentas coas que se crea e lle dan soporte, algunhas delas desenvolvidas pola empresa galega A navalla suíza e outras xa existentes na rede.[2]

No seu inicio, o traballo xornalístico remunerado corría a cargo de tres persoas: Marcos Pérez Pena, David Lombao e máis Lara Graña. Tras a marcha de Lara Graña incorporouse ao equipo o xornalista Miguel Pardo.

Praza Pública difunde periodicamente informes de transparencia sobre a situación organizativa, social, económica e de audiencia deste medio de comunicación.[3]

Redes sociais e comunidade[editar | editar a fonte]

Desde a súa creación, o diario Praza Pública apostou polas redes sociais. Así, ademais de ter presenza en Facebook e Twitter, actualiza a diario unha sección de micromensaxes ("Fálase de...") que está sincronizada coa conta de Twitter.

Ás poucas semanas do lanzamento do xornal, actualizouse cunha nova sección, Obradoiro[4], unha comunidade de blogs que se especializan cada un nunha temática concreta.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]