Carl Sagan
Carl Edward Sagan, nado en Nova York o 9 de novembro de 1934 e finado en Seattle o 20 de decembro de 1996[1][2] foi un astrónomo, exobiólogo e divulgador científico estadounidense.
Índice |
[editar] Traxectoria
Doctorouse en 1960 na Universidade de Chicago traballando xunto ao astrónomo Gerard Kuiper.[3][4] A súa obra máis coñecida é Cosmos, que tras ter visto a luz como libro pasou a serie televisiva, como Cosmos: A Personal Voyage. Foi un pioneiro da exobioloxía e promoveu a procura de Intelixencia Extraterrestre (SETI). Escribiu a novela Contacto, que serviu de base para o filme do mesmo título protagonizado por Jodie Foster en 1997. Sagan publicou máis de 600 artigos científicos e foi o autor, coautor ou editor de máis de 20 libros. Na súa obra defendía o escepticismo científico, o humanismo e o método científico. Tamén foi asesor científico no filme 2001: A Space Odyssey, dirixida por Stanley Kubrick.[5]
Estivo casado coa novelista, guionista e realizadora Ann Druyan.
[editar] Notas
- ↑ Dr. Carl Sagan en nasa.gov
- ↑ Carl Sagan dies at 62, cnn.com
- ↑ Astrobiografías - Carl Sagan
- ↑ Carl Sagan, una vela en la oscuridad
- ↑ Ref: La Conexión Cósmica, ISBN 84-7634-115-6 D.L.B. 38566-1987
