Glasgow
| Glasgow | |
|---|---|
 |
|
| Situación xeográfica | |
  |
|
| Estado: |  Reino Unido |
| Nación constituínte: |  Escocia |
| Concello: | Glasgow |
| Xeografía | |
| Altitude: | 66 msnm |
| Superficie: | 175,5 km² |
| Poboación | |
| Poboación total: | 592.820 hab. (2010)</ br> 2.550.000 na área metropolitana |
| Densidade de poboación: | 3.298,0 hab./km² |
| Xentilicio: | |
| Información | |
| Código postal: | G |
| Alcalde: | Robert Winter |
| Sitio na web: | www.glasgow.gov.uk Páxina Oficial |
Glasgow (Glaschu en gaélico escocés; ou Glesca/Glesga en escocés) é unha cidade de Escocia. Os seus 688.420 habitantes convértena na primeira cidade escocesa e a terceira de Gran Bretaña. Está situada na beira do Río Clyde nos Lowlands Escoceses. A xente de Glasgow é coñecida como glaswegians. Glaswegian tamén é o nome do dialecto local do escocés.
Índice |
[editar] Xeografía
Glasgow está situada nas ribeiras do río Clyde, no centro-oeste de Escocia.
[editar] Clima
Malia estar a unha latitude semellante á de Moscova, o clima de Glasgow é máis suave do que cabería agardar, grazas á influencia que sobre el exerce a cálida Corrente do Golfo. Correspóndelle, pois, un clima de tipo oceánico, clasificado Cfb segundo a clasificación climática de Köppen. As medias do periodo comprendido entre os anos 1971 e 2000 representánse na seguinte táboa:
| 1971-2000 | xan | feb | mar | abr | mai | xuñ | xul | ago | set | out | nov | dec |
|---|---|---|---|---|---|---|---|---|---|---|---|---|
| Temperatura máxima media (°C) |
6,4 | 7,0 | 9,1 | 12,1 | 15,6 | 17,8 | 19,6 | 19,1 | 16,1 | 12,6 | 9,0 | 7,0 |
| Temperatura máxima mínima (°C) |
1,6 | 1,7 | 2,9 | 4,4 | 7,0 | 9,7 | 11,8 | 11,5 | 9,4 | 6,7 | 3,6 | 2,2 |
| Precipitacións (l/m2) | 142 | 99 | 110 | 60 | 63 | 63 | 68 | 84 | 116 | 132 | 131 | 138 |
[editar] Historia
- Artigo principal: Historia urbana de Glasgow.
A cidade medrou a partir dun arcebispado medieval e do posterior establecemento da Universidade de Glasgow no século XV, chegando a ser o maior centro da Ilustración escocesa no século XVIII. A partir deste século constituíuse coma un dos maiores centros de comercio trasatlántico coas colonias británicas americanas. Coa chegada da Revolución Industrial a cidade e a súa área de influencia convertéronse nun dos principais núcleos mundiais de industria pesada, especialmente construción naval. Na época vitoriana e na do rei Eduardo VII era coñecida como a segunda cidade do Imperio Británico. A finais do século XIX e comezos do século XX a cidade creceu enormemente chegando ó millón de habitantes e situándose como a cuarta cidade europea tras Londres, París e Berlín. Na década dos 60 do século XX a recolocación dos seus habitantes en novas cidades e suburbios periféricos reduciron a poboación aos 688.420 habitantes actuais no seu centro e 1.749.154 na área metropolitana.
Na actualidade, a cidade é un dos 16 maiores centros financeiros de Europa e o fogar da maioría das grandes compañías de Escocia. Despois de Edimburgo, Glasgow é o segundo maior destino turístico de Escocia.
[editar] Lugares de interese
- Catedral de Glasgow. Tamén coñecida como a Catedral de San Mungo, pertence á Igrexa Presbiteriana escocesa, a Igrexa de Escocia. Segundo a lenda, sitúase no lugar onde o santo patrono de Glasgow, San Mungo, ergueu unha igrexa no século VI, establecendo así o nacemento da actual cidade. A súa tomba sitúase na propia catedral. Foi consagrada no 1136. Esta primitiva catedral foi destruida ao pouco tempo polo lume, construíndose outra nova no 1197, que foi reformada sucesivamente nos séculos posteriores. A úlitma reforma significativa data de mediados do século XIX.[1]
- Universidade de Glasgow. Fundada en 1451, é a cuarta universidade máis antiga do mundo anglosaxón. Entre a súa nómina de estudantes e docentes salientan algunhas figuras intelectuais coma o físico Lord Kelvin, o economista Adam Smith ou o inventor James Watt.
- Museo Kelvingrove. É o museo e galería de arte máis importante de Escocia, tratándose do museo non londinense máis visitado de todo o Reino Unido. Na súa colección, de máis de 8.000 pezas, inclúense tanto obras de arte coma fósiles e pezas arqueolóxicas, salientando a Anunciación de Sandro Botticelli e o Cristo de San Xoán da Cruz de Salvador Dalí, ademais de obras do impresionismo francés e do Renacemento alemán.
[editar] Cidades irmandadas
Glasgow está irmandada coas seguintes cidades:
[editar] Notas
[editar] Véxase tamén
[editar] Ligazóns externas
|
|||||
