Fisicoquímica

A fisicoquímica é unha ciencia punto de encontro entre a química e a física que intenta estudar a materia desde o punto de vista físico, centrándose nas bases físicas dos sistemas e procesos químicos.

Historia

O termo química física comezou a utilizarse no século XVIII, aínda que o seu recoñecemento como disciplina se produciu en 1887, cando Wilhelm Ostwald principiou a editar Zeitschrift für Physikalische Chemie. Este mesmo científico foi o que escribiu o primeiro libro de fisicoquímica .

O químico estadounidense do século XIX Willard Gibbs é considerado o pai fundador da fisicoquímica. Na súa publicación de 1876 titulada "On the Equilibrium of Heterogeneous Substances" (Estudo sobre o equilibrio de sustancias heteroxéneas) cuñou termos como enerxía libre, potencial químico, e regras de fase, que anos máis tarde serían de principal interese de estudo nesta disciplina.

Campo de estudo

A fisicoquímica moderna ten firmes bases na física pura. Entre as súas principais áreas de estudo cóntanse a termodinámica química, a cinética química, a química cuántica, a mecánica estatística, a electroquímica, a química do estado sólido e de superficies, e a espectroscopia. A fisicoquímica forma parte fundamental no estudo da ciencia dos materiais.

As principais áreas de estudo da fisicoquímica inclúen a termodinámica química, a cinética química, a química cuántica, a mecánica estatística, a electroquímica, a química de superficies, a química do estado sólido, a espectroscopia e a mecánica cuántica onde funciones matemáticas poden representar interpretacións a nivel molecular e atómico estrutural. Cambios na temperatura, presión, volume, calor e traballo nos sistemas, sólido, líquido e/ou gasoso atópanse tamén relacionados a estas interpretacións de interaccións moleculares. Ó mesmo tempo, a fisicoquímica é parte fundamental da ciencia de materiais moderna.

Segundo o afamado químico estadounidense Gilbert Lewis, "a fisicoquímica é calquera cousa interesante", referíndose ao feito que moitos fenómenos da natureza con respecto á materia son de principal interese na fisicoquímica.

Fisicoquímicos destacados

• Svante Arrhenius
• Lars Onsager
• Wilhelm Ostwald
• Linus Pauling
• Fritz Haber
• Irving Langmuir
• Jaroslav Heyrovský

Véxase tamén

Bibliografía

• Peter W. Atkins. Physical Chemistry. ISBN 0-7167-3539-3. 
• R.J. Hunter. Introduction to Modern Colloid Science. ISBN 0-19-855386-2. 
• M. Diaz Peña, A. Roig Muntaner. Química Física. ISBN 84-205-0569-2. 
• J. Bertran Rusca, J. Núñez Delgado. Química Física. ISBN 84-344-8050-6.