Quique Setién

Quique Setién
	; (2010)
Biografía
Nacemento	(es) Enrique Setién Solar ; 27 de setembro de 1958 (65 anos); Santander, España
Datos persoais
País de nacionalidade	España
Altura	185 cm
Actividade
Ocupación	futbolista , adestrador de fútbol , xadrecista
Lingua	Lingua castelá
Nacionalidade deportiva	España
Deporte	fútbol ; xadrez
Posición de xogo	Centrocampista
Puntos ELO (màx.)	2.055 (2017)<
Identificador FIDE	2217627
Traxectoria
Participou en
1986	Mundial de Fútbol México 1986 (7º)

Enrique "Quique" Setién Solar, nado en Santander o 27 de setembro de 1958, é un exfutbolista e actual adestrador profesional de fútbol español. Xogaba de centrocampista e foi internacional coa selección española. Dende outubro de 2022 adestra o Villarreal, na Primeira División.

Traxectoria[editar | editar a fonte]

Nado en Santander en 1958, debutou co equipo da súa cidade, o Racing de Santander, en Primeira División en 1977 con tan só 19 anos. No club cántabro xogou oito tempadas consecutivas, nas que pasou de ser un xogador non indiscutible até ser o capitán do equipo co número 10 nas costas. Porén, durante as súas primeiras tempadas no Racing, perdeuse por completo a tempada 1982-1983 por mor dunha grave lesión. A súa gran tempada 1984-85, onde conseguiría sete goles, chama a atención do Atlético de Madrid, onde xa no seu primeiro ano no club colchoneiro sería un dos xogadores importante do club, chegando ser internacional absoluto con España.

Coa selección debutaría o 20 de novembro de 1985 no estadio de La Romareda, en Zaragoza, como titular ante Austria (0-0). Posteriormente xogaría no Luis Casanova de Valencia o 18 de decembro de 1985 ante Bulgaria (2-0), formando parte do once inicial, e o 22 de xaneiro de 1986 no Estadio Insular das Palmas de Gran Canaria contra a desaparecida Unión Soviética (2-0). Formaría parte tamén do combinado español no Mundial de México de 1986, aínda que non chegou xogar. Anteriormente fora tamén internacional sub-21 e olímpico, así como despois da súa retirada do fútbol profesional do combinado de fútbol praia entre 1996 e 2003.

No seu terceiro ano no Atlético de Madrid, o seu problema co daquela presidente do club madrileño Jesús Gil y Gil, levárono ao banco, xogando tan só 11 partidos nos que anotou un gol. En total no aTlético xogaría 73 partidos marcando 7 goles. Tras ese mal ano recalaría no CD Logroñés tamén da Primeira División, onde tras un mal inicio acabaría converténdose nun dos piares do equipo durante catro tempadas, nas que xogou 114 partidos anotando 20 goles. Nos seus últimos anos como xogador profesional volvería ao club da súa terra, o Rácing de Santander, onde xogaría catro tempadas máis a un alto nivel. Despois da súa retirada, fichou polo Levante como reforzo de luxo para xogar a fase de ascenso á Segunda División, obxectivo que se cumpriu.

Adestrador[editar | editar a fonte]

Como adestrador ascendeu ao Racing de Santander á Primeira División en 2002 e ao Club Deportivo Lugo á Segunda División en 2012, equipo ao que adestrou dende 2009 ata 2015. É o adestrador con máis partidos dirixidos na historia do club lucense.

O 19 de outubro de 2015 firmou polo UD Las Palmas, en substitución de Paco Herrera, cun contrato até xuño de 2016 prorrogable por un ano máis.^[1]

Equipos[editar | editar a fonte]

Xogador[editar | editar a fonte]

Ano	Club	División	Partidos	Goles
1977-1978	Racing de Santander	Primeira	21	2
1978-1979	Racing de Santander	Primeira	24	3
1979-1980	Racing de Santander	Segunda	33	5
1980-1981	Racing de Santander	Segunda	35	10
1981-1982	Racing de Santander	Primeira	22	5
1982-1983	Racing de Santander	Primeira	0	0
1983-1984	Racing de Santander	Segunda	36	11
1984-1985	Racing de Santander	Primeira	33	7
1985-1986	Atlético de Madrid	Primeira	30	5
1986-1987	Atlético de Madrid	Primeira	32	1
1987-1988	Atlético de Madrid	Primeira	11	1
1988-1989	Logroñés	Primeira	13	2
1989-1990	Logroñés	Primeira	32	9
1990-1991	Logroñés	Primeira	36	7
1991-1992	Logroñés	Primeira	33	2
1992-1993	Racing de Santander	Segunda	37	11
1993-1994	Racing de Santander	Primeira	38	8
1994-1995	Racing de Santander	Primeira	37	6
1995-1996	Racing de Santander	Primeira	12	0
1996	Levante	Segunda B	4

Adestrador[editar | editar a fonte]

A columna de posto refírese á posición que ocupaba o equipo no momento en que Quique Setién abandona o club. Se está en cursiva quere dicir que deixou de traballar nese club antes de chegar á fin da tempada.

Ano	Club	División	Part.	Posto
2001-2002	Racing de Santander	Segunda	35	2º
2003	Poli Ejido	Segunda	12	19º
2006	Guinea Ecuatorial	Internacional	1
2007-2008	CD Logroñés	Segunda B	20	18º
2009-2010	CD Lugo	Segunda B	38	7º
2010-2011	CD Lugo	Segunda B	44	1º
2011-2012	CD Lugo	Segunda B	44	3º
2012-2013	CD Lugo	Segunda	42	11º
2013-2014	CD Lugo	Segunda	42	12º
2014-2015	CD Lugo	Segunda	42	15º