Saltar ao contido

Dani Mallo

Na Galipedia, a Wikipedia en galego.
Modelo:BiografíaDani Mallo
Biografía
Nacemento25 de xaneiro de 1979 Editar o valor en Wikidata (45 anos)
Cambre, España Editar o valor en Wikidata
Altura185 cm Editar o valor en Wikidata
Actividade
Ocupaciónfutbolista Editar o valor en Wikidata
Período de actividade1997 Editar o valor en Wikidata - 2017 Editar o valor en Wikidata
Deportefútbol Editar o valor en Wikidata
Posición de xogoGardameta Editar o valor en Wikidata
Traxectoria Editar o valor en Wikidata
  Deporte base
–1995 Sporting Cambre
1995–1996 Deportivo da Coruña Xuvenil
  Equipo Número de partidos xogados Puntos/goles/tantos anotados
1997–2001   Deportivo Fabril 101(0)
2001–2006   Deportivo da Coruña 8(0)
2003–2004→ cesión:    Elche CF 38(0)
2006–2008 Sporting Clube de Braga 8(0)
2009–2009 Falkirk Football Club 15(0)
2009–2013   Girona FC 81(0)
2013–2015   CD Lugo 30(0)
2015–   Albacete Balompié 3(0)
  Selección nacional Número de partidos xogados Puntos/goles/tantos anotados
1996–1998   España sub-18 12(0)
2000–2000   España sub-21 1(0)
2005–2005   Galicia

Daniel Mallo Castro, coñecido como Dani Mallo, nado en Cambre o 25 de xaneiro de 1979, é un exfutbolista e político galego. Xogaba de porteiro.

Traxectoria

[editar | editar a fonte]

Natural de Cambre, comezou a xogar ao fútbol na canteira do Sporting Cambre e aos 16 anos xa defendía a portería do primeiro equipo na Segunda Autonómica.[1] Pouco despois ingresou no equipo xuvenil do Deportivo da Coruña, onde coincidiu con futbolistas como Deus ou Amarelle. Con Dani Mallo como gardameta, o xuvenil deportivista conseguiu unha das maiores xestas da súa historia, proclamándose campión de España en 1996, tras derrotar ao Real Madrid na final do campionato disputado en Puertollano.[2]

Na tempada 1996/97 subiu ao Fabril, da Segunda División B, estando durante case todo o ano á sombra de Fran Martínez.[3] Unha varicela sufrida polo venezolano, propiciou que Mallo puidese debutar finalmente co filial durante a promoción de ascenso a Segunda División, nunha histórica vitoria por 1-4 sobre o Córdoba no Nuevo Arcángel.[3] Con todo, o equipo galego non acadou o ascenso, como tampouco fixo na tempada seguinte, na que volveu disputar a promoción, xa con Dani Mallo asentado na titularidade.[3]

Pasou ao cadro do primeiro equipo en Primeira División en 2001, pero non debutou oficialmente até o 5 de maio de 2003, cando xogou vinte minutos na vitoria deportivista fronte ao Recreativo de Huelva.

Ao non xogar apenas partidos e figurar como terceiro porteiro do equipo, foi cedido na tempada 2003–04 ao Elche CF, en Segunda División. Con este conxunto, disputou todos os partidos do ano, e a escuadra quedou na posición 14ª. Ao ano seguinte volveu ao Deportivo, pero seguiu sen xogar, e o 10 de xullo de 2006 anunciou que fichaba polo equipo portugués do Sporting de Braga ao que marchou para disputar a tempada 2006–07 na posición de porteiro suplente. Xogou un partido naquel ano, e á tempada seguinte, por culpa da lesión do titular Paulo Santos, disputou sete partidos da Liga portuguesa, e tamén varios encontros da Copa de Portugal e da Copa da UEFA. Ao final da tempada a súa ficha pasa a ter unha situación pouco definida: adestra por separado, non xoga ningún encontro e no mercado de inverno de xaneiro de 2009 fichou polo Falkirk FC da Scottish Premier League.[4].

En xullo de 2009, Mallo resultou relegado debido á marcha do adestrador John Hughes ao Hibernian FC, e o xogador galego elixiu ir a Cataluña para xogar co Girona FC.[5] Tras varios anos en Xirona realizando boas tempadas, o 5 de xullo de 2013 asinou por dúas tempadas co Club Deportivo Lugo.

[Actualizar]

Clubs

[editar | editar a fonte]
Ano Club División Partidos Goles rec.
1997-1998 Deportivo B Segunda B 28
1998-1999 Deportivo B Segunda B 13
1999-2000 Deportivo B Terceira
2000-2001 Deportivo B Segunda B 35 63
2001-2002 Deportivo B Terceira
2001-2002 Deportivo Primeira 0 0
2002-2003 Deportivo Primeira 2 1
2003-2004 Elche Segunda 38 55
2004-2005 Deportivo Primeira 1 1
2005-2006 Deportivo Primeira 0 0
2006-2007 Sporting Braga Primeira Liga 1 0
2007-2008 Sporting Braga Primeira Liga 7 7
2008-2009 Falkirk Scottish P.L. 15 17
2009-2010 Girona Segunda 10 15
2010-2011 Girona Segunda 10 17
2011-2012 Girona Segunda 22 26
2012-2013 Girona Segunda 39 49
2013-2014 Lugo Segunda 16 24
2014-2015 Lugo Segunda 14 14
2015-2016 Albacete Segunda

Logo do fútbol

[editar | editar a fonte]

Foi colaborador da RTVG como comentarista e analista en programas de fútbol, foi delegado do sindicato de futbolistas AFE e adestrador de porteiros nas categorías de nenos e mozos do Deportivo.

Ademais, presentouse nas listas electorais de Unión por Cambre nas eleccións municipais de 2019 e foi elixido concelleiro. No segundo goberno de Óscar García Patiño (UxC), Mallo asumiu a carteira de Deporte, Mocidade e Cultura.

Tamén ten colaborado como voluntario de rescate coa Cruz Vermella[6].

Palmarés

[editar | editar a fonte]
Deportivo

Recoñecementos

[editar | editar a fonte]

O campo de fútbol municipal do concello de Cambre leva o seu nome.[7]

Notas

[editar | editar a fonte]
  1. ↑ "Dani Mallo, el triunfo del hombre discreto" (en castelán). 21 de setembro de 2012. Consultado o 12 de setembro de 2024. 
  2. ↑ Otero, Marcos (12 de setembro de 2024). "25 años de la gesta del ‘Deportiviño’". La Opinión A Coruña (en castelán). Consultado o 12 de setembro de 2024. 
  3. ↑ 3,0 3,1 3,2 Couce, Iago (11 de setembro de 2024). "‘Fabrilazo’ en Córdoba". DxT Campeón (en castelán). Consultado o 12 de setembro de 2024. 
  4. ↑ Mallo Falkirk bound, Web do Falkirk FC, 16/1/2009
  5. ↑ "El Girona refuerza la portería con Dani Mallo y Pociello", Diario AS
  6. ↑ "Dani Mallo, concejal del ayuntamiento de Cambre : "El deporte en Cambre goza de buena salud"". Galicia Sport (en castelán). 2021-10-02. Consultado o 2022-09-01. 
  7. ↑ "O campo de fútbol Dani Mallo, de Cambre, dispón de novas bancadas e vestiarios, cuxo investimento de 600.000 euros foi financiado pola Deputación e o Concello". Arquivado dende o orixinal o 05 de febreiro de 2015. Consultado o 05 de febreiro de 2015. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Dani_Mallo&oldid=6831785»