Luis Milla

Luis Milla
Luis Milla
Información persoal
Nome	Luis Milla Aspas
Nacemento	12 de marzo de 1966 (58 anos)
Lugar de nacemento	Teruel
Altura	1,73 m
Posición	Medio defensivo
Información de club
Club actual	Indonesia (adestrador)
Carreira xuvenil
1982–1983	Teruel
1983–1985	Barcelona
Carreira sénior
Selección nacional
Adestrador
2006–2007	Puçol
2007–2008	Getafe (asistente)
2008–2010	España sub-19
2008–2010	España sub-20
2010–2012	España sub-21
2012	España sub-23
2013	Al Jazira
2015–2016	Lugo
2017–	Indonesia
	Partidos e goles só en liga doméstica.; ; [ editar datos en Wikidata ]
	v; c; e;

Luis Milla Aspas, nado en Teruel o 12 de marzo de 1966, é un exfutbolista e actual adestrador profesional de fútbol español. Como xogador desenvolvíase na posición de medio defensivo, tendo sido xogador do FC Barcelona, Real Madrid e Valencia CF, así como internacional coa selección española. Como adestrador destaca a súa traxectoria nas categorías inferiores da selección española, onde gañou a Eurocopa e os Xogos do Mediterráneo. Actualmente adestra á selección de Indonesia. En 1999, fixo unha incursión na política presentándose polo Partido Aragonés (PAR) ás eleccións municipais do 13 de xuño na súa cidade natal.

Traxectoria[editar | editar a fonte]

Como xogador[editar | editar a fonte]

Formouse na canteira do F. C. Barcelona e alcanzou o primeiro equipo no ano 1988, aínda que xa debutara na tempada 1984-85, á idade de dezaoito anos, contra o Real Zaragoza. Tras consolidarse no Barcelona e ser convocado para xogar con España, en 1990 fichou polo Real Madrid C.F., onde xogou até 1997. Disputou os últimos anos da súa carreira para o Valencia C.F. ata que se retirou no ano 2001. En doce tempadas en Primeira División anotou seis goles: dous co Barcelona, tres co Real Madrid e un co Valencia.

Como adestrador[editar | editar a fonte]

Adestrou a U.D. Puçol na tempada 2006-07 conseguindo un 12.º posto en Terceira División, unha das mellores tempadas da historia do equipo valenciano. Ao finalizar a tempada foi chamado por Michael Laudrup para que fose o seu segundo adestrador no Getafe Club de Fútbol da Primeira División. Posteriormente, traballou na Real Federación Española de Fútbol como técnico nas categorías inferiores, onde destacou como adestrador da selección sub-21.

En febreiro de 2013,^[1] firma co Al Jazira, segundo clasificado do campionato dos Emiratos Árabes Unidos, regresando aos bancos tras a amarga experiencia nos Xogos Olímpicos de Londres, onde non logrou conducir á selección española máis aló da primeira fase.^[2] Foi destituído o 25 de outubro.^[3] O 8 de xuño de 2015 confírmase a súa incorporación como adestrador Club Deportivo Lugo da Segunda División cun contrato de tres temporadas. Porén, o 24 de febreiro renuncia ao posto por motivos persoais, sendo substituído no cargo por José Durán.

Equipos[editar | editar a fonte]

Xogador[editar | editar a fonte]

Ano	Club	División	Partidos	Goles
1984-1985	FC Barcelona	Primeira	1	1
1986-1987	FC Barcelona B	Segunda	5	0
1987-1988	FC Barcelona B	Segunda	35	5
1988-1989	FC Barcelona	Primeira	28	0
1989-1990	FC Barcelona	Primeira	25	1
1990-1991	Real Madrid	Primeira	6	0
1991-1992	Real Madrid	Primeira	36	0
1992-1993	Real Madrid	Primeira	21	3
1993-1994	Real Madrid	Primeira	31	0
1994-1995	Real Madrid	Primeira	20	0
1995-1996	Real Madrid	Primeira	32	0
1996-1997	Real Madrid	Primeira	19	0
1997-1998	Valencia CF	Primeira	30	0
1998-1999	Valencia CF	Primeira	31	1
1999-2000	Valencia CF	Primeira	12	0
2000-2001	Valencia CF	Primeira	6	0