David Gutiérrez de Coz

Na Galipedia, a Wikipedia en galego.
De Coz
Información persoal
Nome David Gutiérrez de Coz
Nacemento 6 de febreiro de 1980 (44 anos)
Lugar de nacemento Sevilla
Altura 1,78 m
Posición Defensa
Carreira xuvenil
Betis
Carreira sénior
Anos Equipos Aprs (Gls)
1999–2001 Betis B 64 (0)
2001–2005 Ceuta 134 (0)
2005–2007 Xerez 55 (2)
2007–2010 Murcia 80 (1)
2010–2011 Córdoba 30 (1)
2011–2013 Granada 0 (0)
2011–2012Cádiz (cedido) 36 (2)
2012–2016 Lugo 93 (1)
Partidos e goles só en liga doméstica.

editar datos en Wikidata ]

David Gutiérrez de Coz, nado en Sevilla o 6 de febreiro de 1980, é un exfutbolista español que xogaba de lateral dereito.

Traxectoria[editar | editar a fonte]

Nado en Sevilla, formouse na canteira do Betis. Na tempada 1999/00 debutou co Betis B na Segunda División B, onde xogou tres tempadas antes de asinar coa Asociación Deportiva Ceuta da mesma categoría. No equipo ceutí permaneceu dous anos, e as súas destacadas actuacións levárono a ser fichado polo Xerez Club Deportivo da Segunda División. Alí xogou 30 partidos no seu primeiro ano, marcando dous goles, e 18 no segundo.

Tras comezar a tempada 2007/08 co club xerezano, asinou coa tempada comezada e o período de traspasos fechado polo Real Murcia da Primeira División, grazas a un permiso especial outorgado pola Real Federación Española de Fútbol debido a que o Murcia perdera por unha grave lesión ao veterano Curro Torres.[1] Debutou en Primeira o 24 de novembro de 2007 no empate 1-1 ante o Real Madrid no estadio Nueva Condomina, xogando o partido enteiro,[2] e mantivo a titularidade durante toda a tempada. Porén, o equipo acabou descendendo finalmente á segunda categoría. De Coz continuou no Real Murcia dous ano máis, até 2010, cando o equipo sufriu un novo descenso, desta vez á Segunda B.

Fichou entón polo Córdoba da Segunda División, onde foi un xogador fundamental nos plans do adestrador Lucas Alcaraz. En agosto de 2011 asinou por dous anos co Granada da Primeira División, sendo inmediatamente cedido ao Cádiz, de Segunda B. Tras un destacábel ano no club gaditano, que conseguiu o ascenso, asinou polo Lugo, de Segunda. Xogou catro anos no club lucense, sendo unha das pezas importantes no equipo adestrado por Quique Setién nas súas dúas primeiras tempadas, pero perdendo protagonismo nas dúas últimas por mor das lesións.

Clubs[editar | editar a fonte]

Club Categoría Ano PX Goles
Real Betis B Segunda B 1999-2000 17 0
Real Betis B Segunda B 2001-2002 33 0
Real Betis B Segunda B 2002-2003 31 0
AD Ceuta Segunda B 2003-2004 34 0
AD Ceuta Segunda B 2004-2005 36 0
Xerez CD Segunda 2005-2006 30 2
Xerez CD Segunda 2006-2007 18 0
Xerez CD Segunda 2007 7 0
Real Murcia Primeira 2007-2008 20 0
Real Murcia Segunda 2008-2009 30 1
Real Murcia Segunda 2009-2010 30 0
Córdoba CF Segunda 2010-2011 30 1
Cádiz CF Segunda B 2011-2012 36 2
CD Lugo Segunda 2012-2013 33 1
CD Lugo Segunda 2013-2014 31 0
CD Lugo Segunda 2014-2015 15 0
CD Lugo Segunda 2015-2016 14 0

Notas[editar | editar a fonte]

  1. "David de Coz: «Estar en Primera División es todo un sueño para cualquier jugador»" (en castelán). 18 de novembro de 2007. Consultado o 10 de decembro de 2021. 
  2. El Madrid resbala en suelo pimentonero; Marca, 24 de novembro de 2007]

Véxase tamén[editar | editar a fonte]

Ligazóns externas[editar | editar a fonte]