Luis Fernández Teijeiro

Na Galipedia, a Wikipedia en galego.
Saltar ata a navegación Saltar á procura
Luis Fernández
Información persoal
Nome completo Luis Fernández Teijeiro
Nacemento 27 de setembro de 1993 (26 anos)
  Burela
Nacionalidade España
Altura 1,75 m
Posición Dianteiro
Información de club
Club actual UCAM Murcia
Carreira xuvenil
2008–2009 Ural
2009–2011 Deportivo da Coruña
Carreira sénior
Anos Equipos Aprs (Gls)
2011–2013 Deportivo B 47 (31)
2013–2016 Deportivo da Coruña 28 (5)
2014–2015Lugo (cedido) 25 (5)
2015–2016Huesca (cedido) 28 (4)
2016 Alcorcón 4 (0)
2017 UCAM Murcia 5 (0)
2017–2018 Deportivo Fabril 12 (5)
2018– UCAM Murcia 5 (2)

* Partidos e goles só en liga doméstica. Actualizados a 7 de xaneiro de 2019
† Aparicións (Goles)

editar datos en Wikidata ]

Luis Fernández Teijeiro, máis coñecido como Luis Fernández, nado en Burela o 27 de setembro de 1993, é un futbolista galego. Xoga de dianteiro e o seu equipo actual é o UCAM Murcia.

Traxectoria[editar | editar a fonte]

Nado en Burela, na Mariña, Luis Fernández chegou ao Deportivo da Coruña no ano 2009, no paso de cadete a xuvenil, despois de destacar como goleador nas categorías inferiores do Ural C.F.[1] Desde entón o burelao progresa até chegar ao primeiro equipo. Na tempada 2011-12, sendo aínda xuvenil, debuta no filial coruñas da Terceira División. En febreiro viviu un auténtico pesadelo, xa que sufriu unha rotura do ligamento cruzado do seu xeonllo dereito no campo do Club Ordes.[2]

A lesión déixao sen poder xogar durante oito meses, chegando a pensar en deixar o fútbol, porén, regresa en outubro de 2012.[1] Despois de recuperarse, convértese no home gol do Fabril, marcando 21 goles en 26 partidos de liga e 6 nos 6 partidos do play off de ascenso, incluíndo un hat-trick na ida da final polo ascenso ante El Palo.[3] A pesar diso, o Deportivo B non puido lograr o ascenso despois dun partido de volta polémico no campo de San Ignacio. O seu bo labor no filial valeulle para facer a pretempada co primeiro equipo, debutando e marcando tres goles o 18 de xullo contra o Lemos, de Preferente. O seu debut oficial foi o 18 de agosto, saíndo como titular na primeira xornada da Segunda División.

O seu primeiro gol oficial logrouno no seu primeiro partido na Copa do Rei, o 12 de setembro de 2013 no Nuevo Arcángel ante o Córdoba, mentres que o seu primeiro gol en Liga chegaría o 3 de novembro ante o Real Madrid Castilla. Ao final da tempada, Luis Fernández remata con 5 goles en Liga en 28 partidos, acadando finalmente o ascenso á Primeira División. Na seguinte tempada, o club coruñés chega a un acordo de cesión co Club Deportivo Lugo da Segunda División durante un ano.[4]

O 7 de agosto de 2015 anunciouse unha nova cesión, esta vez no SD Huesca de Segunda División.[5]

O 21 de xullo de 2016 anunciouse a súa rescisión co Deportivo da Coruña, incorporándose á disciplina do AD Alcorcón.[6]

O 11 de xaneiro de 2017 firmou polo UCAM Murcia, de Segunda División.[7]

O 1 de setembro de 2017 firmou por unha temporada co Deportivo Fabril, volvendo así á disciplina branquiazul.[8]

Clubs[editar | editar a fonte]

Ano Club División Partidos (Liga) Goles (Liga)
2011-2012 Deportivo B Terceira 15 4
2012-2013 Deportivo B Terceira 26+6 21+6
2013-2014 Deportivo Segunda 28 5
2014-2015 CD Lugo Segunda 25 5
2014-2015 Huesca Segunda 28 4

Notas[editar | editar a fonte]

  1. 1,0 1,1 Fariña, Jacobo (17 de xaneiro de 2013). riazor.org, ed. "Luis Fernández: "Todo niño que juega en Coruña sueña con llegar algún día al Dépor"" (en castelán). Consultado o 18 de xullo de 2014. 
  2. Aguiar, Iván (17 de marzo de 2013). riazor.org, ed. "Luis Fernández, el hombre gol del Fabril" (en castelán). Consultado o 18 de xullo de 2014. 
  3. Chas, Leticia G. (24 de xuño de 2013). Deportivo da Coruña, ed. "Más cerca de Segunda B" (en castelán). Arquivado dende o orixinal o 01 de febreiro de 2014. Consultado o 18 de xullo de 2014. 
  4. Fernández, Xurxo (18 de xullo de 2014). La Voz de Galicia, ed. "Luis Fernández xogará cedido no Lugo". 
  5. "Luis Fernández, cedido una temporada a la SD Huesca". Deportivo da Coruña. 7 de agosto de 2015.  (en castelán)
  6. "El RC Deportivo y Luis Fernández llegan a un acuerdo para finalizar su vinculación contractual". Deportivo da Coruña. 21 de xullo de 2016.  (en castelán)
  7. "Luis Fernández, nuevo jugador del UCAM Murcia CF". UCAM Murcia. 11 de xaneiro de 2017.  (en castelán)
  8. "Luís Fernández xogará a Temporada 2017-2018 no Fabril". Deportivo da Coruña. 1 de setembro de 2017. 

Véxase tamén[editar | editar a fonte]

Ligazóns externas[editar | editar a fonte]