Antonio Rodríguez Dovale

Na Galipedia, a Wikipedia en galego.
Toni
Antonio Rodríguez Dovale, Celta de Vigo 2009.jpg
Información persoal
Nome completoAntonio Rodríguez Dovale
Nacemento4 de abril de 1990 (28 anos)
LugarA Coruña, Galicia
Altura1,77 m.
PosiciónDianteiro
Información de club
Club actualCD Leganés
Número12
Carreira xuvenil
Ural CF
2000–2002Obradoiro
2002–2005Barcelona
2005–2007Celta de Vigo
Carreira sénior
AnosEquiposAprs(Gls)
2007–2011Celta B26(6)
2009–2014Celta de Vigo34(2)
2011Huesca (cedido)16(1)
2014Sporting Kansas City19(1)
2015Lugo20(3)
* Partidos e goles só en liga doméstica.
† Aparicións (Goles)
‡ Actualizado a 8 de xuño de 2015

Antonio Rodríguez Dovale, coñecido como Toni, nado na Coruña o 4 de abril de 1990, é un futbolista galego. Actualmente xoga como extremo no Club Deportivo Leganés.

Traxectoria[editar | editar a fonte]

Nado na Coruña, comezou xogar desde cativo no Ural e no Obradoiro para finalmente no ano 2002 recalar nas categorías inferiores do FC Barcelona. En 2005 regresa a Galiza, onde recala nas categorías inferiores do Celta de Vigo. Con 19 anos debuta profesionalmente co club vigués, sendo titular no partido que enfrontou aos celtiñas contra o CD Numancia no Estadio de Balaídos o 29 de agosto de 2009. O xogo remataría con derrota para os locais por 1–2.[1]

Na tempada 2011–12, despois dunha breve cesión no SD Huesca da mesma categoría, Toni participa con 30 partidos e dous goles no regreso do club celeste á Primeira División despois de cinco anos de ausencia. Fixo o seu debut na máxima categoría o 18 de agosto de 2012 na derrota por 0–1 ante o Málaga CF. Aínda que o seu futuro semella incerto no Celta despois da chegada do adestrador Luis Enrique no verán de 2013, Toni fica finalmente no club onde é reconvertido a lateral esquerdo.

O 11 de marzo de 2014 Toni asina co Sporting Kansas City da Major League Soccer estadounidense.[2] Alí marca o seu primeiro gol o 27 de maio, no empate 1-1 na casa ante os New York Red Bulls. Tras a fin da tempada da MLS, volta á Galiza para adestrar co Club Deportivo Lugo da Segunda División, club polo que ficha finalmente o 29 de xaneiro de 2015 até final de tempada.

Clubs[editar | editar a fonte]

Ano Club División Partidos Goles
2007-2008 Celta de Vigo B Segunda B 5 0
2008-2009 Celta de Vigo B Segunda B 1 0
2009-2010 Celta de Vigo Segunda 12 2
2009-2010 Celta de Vigo B Segunda B 20 6
2010-2011 Celta de Vigo Segunda 0 0
2011 SD Huesca Segunda 16 1
2011-2012 Celta de Vigo Segunda 30 2
2012-2013 Celta de Vigo Primeira 14 0
2013-2014 Celta de Vigo Primeira 12 0
2014 Sporting Kansas City MLS 19 1
2015 CD Lugo Segunda 20 3

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]