José Durán Rivas

Na Galipedia, a Wikipedia en galego.
José Durán
Información persoal
Nome José Antonio Durán Rivas
Nacemento 29 de xuño de 1974 (49 anos)
Lugar de nacemento Lugo
Adestrador
Anos Equipos
2004 CD Lugo
2005-2006 CD Foz
2007-2008 Viveiro CF
2008–2009 CD Foz
2016 CD Lugo
2016–2020 CD Lugo B
2021 K. Rupel Boom F.C.
2023– Bergantiños
editar datos en Wikidata ]

José Antonio Durán Rivas, nado o 29 de xuño de 1974 en Lugo é un adestrador de fútbol galego, que dende 2023 dirixe o Bergantiños.

Traxectoria[editar | editar a fonte]

Debutou coma adestrador de fútbol facéndose cargo do primeiro equipo do CD Lugo mediada a tempada 2003-04 na Terceira División Española, en substitución de Quique Prado. Comezada a tempada seguinte fíxose cargo do CD Foz para tentar salvalo do descenso, obxectivo que non acadou e deixou o club a final de tempada.[1][2] Pouco despois fichou polo Viveiro CF de onde saíu ao acabar o curso tras desencontros coa directiva. En 2008 fichou outra vez polo CD Foz,[3] onde permaneceu até o final da temporada. Posteriormente exerce o cargo de adestrador nas categorías inferiores do Club Deportivo Lugo, até que en febreiro de 2016 se fixo cargo do primeiro equipo tras a renuncia de Luis Milla. A pesar de perder o seu primeiro partido como adestrador en Segunda División, tras conseguir unha xeira de tres vitorias e un empate recibiu o premio ao mellor adestrador da Liga Adelante do mes de marzo.[4] A final de temporada, tras conseguir a salvación do club, deixa o banco para volver formar parte do organigrama deportivo do Lugo.

Entre 2016 e 2020 adestrou o Polvorín, antes de marchar a Bélxica para dirixir o K. Rupel Boom F.C. da Nationale 1, primeira división afeccionada da liga belga.[5]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]