Miguel Muñoz

Na Galipedia, a Wikipedia en galego.
Miguel Muñoz
Información persoal
Nome Miguel Muñoz Mozún
Nacemento 19 de xaneiro de 1922
Lugar de nacemento Madrid
Falecemento 16 de xullo de 1990
Lugar de falecemento Madrid
Altura 165 centímetros
Posición Dianteiro
Carreira sénior
Anos Equipos Aprs (Gls)
1940/41 Imperio
1941/42 Girod
1942/43 Imperio
1943/44 CD Logroñés
1944/46 Racing de Santander
1946/48 Celta de Vigo
1948/58 Real Madrid
Adestrador
1959/74 Real Madrid
1969 Selección de fútbol de España
1975/76 Granada CF
1977/79 UD Las Palmas
1979/82 Sevilla FC
1982–1988 Selección de fútbol de España
Na rede
FIFA: 61653 Editar o valor em Wikidata
Partidos e goles só en liga doméstica.

editar datos en Wikidata ]

Miguel Muñoz Mozún, nado en Madrid o 19 de xaneiro de 1922 e finado na mesma cidade o 16 de xullo de 1990, foi un futbolista e adestrador de fútbol, que xogaba na demarcación de dianteiro.

Traxectoria[editar | editar a fonte]

Como xogador[editar | editar a fonte]

Comezou a xogar nos primeiros anos da posguerra en varios equipos de Madrid, como a Ferroviaria, o Girod ou o Imperio. En 1943 tarde xoga no CD Logroñés mentres facía o servizo militar pero o equipo descende a Terceira División e ao rematar a tempada ficha polo Racing de Santander

En 1946 ficha polo Celta de Vigo, onde militou dúas tempadas nas que chegou a disputar a final da Copa do Xeneralísimo, pese a marcar un gol na final o equipo perdeu ante o Sevilla FC por 4-1.

En 1948 foi traspasado ao Real Madrid, xunto á outra estrela do equipo Pahiño. Permanece no club madrileño dez tempadas, marcando o primeiro gol do equipo en competición europea e participando na conquista das tres primeiras Copas de Europa do club amais doutros títulos.

Foi internacional coa Selección de fútbol de España en sete ocasións, debutando o 20 de xuño de 1948 ante Suíza.

Retirouse no Real Madrid no ano 1958.

Como adestrador[editar | editar a fonte]

Un ano despois da súa retirada asumiu o cargo de adestrador do Real Madrid, gañando ese mesmo ano a Copa de Europa e converténdose así no primeiro en gañala como xogador e adestrador.

Dirixiu ao Real Madrid durante 13 anos, nun total de 601 encontros de Liga, gañando 9 veces o campionato ligueiro, dúas a Copa do Xeneralísimo, dúas a Copa de Europa e 1 Copa Intercontinental.

Tras deixar ao equipo madrileño dirixiu ao UD Las Palmas, co que chegou á final da Copa en 1978, encontro que perdeu ante o FC Barcelona por 3-1.

Adestrador da Selección de fútbol

Tralo Mundial de Fútbol España 1982 foi nomeado adestrador da Selección de fútbol de España dirixíndoa ata 1988. Nestes anos clasificou ao equipo para a Eurocopa de Fútbol Francia 1984 no famoso encontro contra Malta, no que tiña que gañar por unha diferenza de 11 goles e que rematou cun 12-1. Finalmente España sería subcampioa da Eurocopa por detrás da anfitrioa, Francia.

Tamén dirixiu o equipo no Mundial de Fútbol no que alcanzou os cuartos de final, sendo eliminada por Bélxica.

O último torneo que dirixiu Miguel Muñoz foi a Eurocopa de Fútbol Alemaña Occidental 1988, na que quedou eliminada na fase de grupos.

É o adestrador que máis encontros dirixiu ao Real Madrid e o terceiro adestrador con máis encontros dirixidos en Liga, so por superado por Luís Aragonés e Javier Irureta, e o que máis títulos de Liga gañou, 9.

Palmarés[editar | editar a fonte]

Como xogador[editar | editar a fonte]

Campionatos nacionais[editar | editar a fonte]

Título Club País Ano
Pequena Copa do Mundo de Clubs Real Madrid España 1952
Liga Real Madrid España 1954
Liga Real Madrid España 1955
Copa Latina Real Madrid España 1955
Copa de Europa Real Madrid España 1956
Pequena Copa do Mundo de Clubs Real Madrid España 1956
Liga Real Madrid España 1957
Copa de Europa Real Madrid España 1957
Copa Latina Real Madrid España 1957
Liga Real Madrid España 1958
Copa de Europa Real Madrid España 1958

Como adestrador[editar | editar a fonte]

Título Club País Ano
Copa de Europa Real Madrid España 1960
Copa Intercontinental Real Madrid España 1960
Liga Real Madrid España 1961
Liga Real Madrid España 1962
Copa do Xeneralísimo Real Madrid España 1962
Liga Real Madrid España 1963
Liga Real Madrid España 1964
Liga Real Madrid España 1965
Copa de Europa Real Madrid España 1966
Liga Real Madrid España 1967
Liga Real Madrid España 1968
Liga Real Madrid España 1969
Copa do Xeneralísimo Real Madrid España 1970
Liga Real Madrid España 1972