Juan Francisco García García

Juan Francisco García García

Biografía
Nacemento	15 de xullo de 1976 (47 anos) Rafelbunyol, España
Datos persoais
País de nacionalidade	España
Altura	183 cm
Peso	78 kg
Actividade
Ocupación	futbolista
Período de actividade	1994 -
Lingua	Lingua castelá
Nacionalidade deportiva	España
Deporte	fútbol
Posición de xogo	Lateral (pt)
Número deportivo	12
Traxectoria   Equipo 1994-1997 Levante Unión Deportiva 47 (1) 1997-1999 Valencia Club de Fútbol 41 (0) 1999-2004 Real Club Celta de Vigo 126 (6) 2004-2006 Beşiktaş JK 13 (1) 2005-2006 →cesión a  AFC Ajax 16 (0) 2006-2008 Real Zaragoza 62 (0) 2008-2010 AEK Atenas FC 26 (0) 2010-2016 Levante Unión Deportiva 170 (0)   Selección nacional 1998-1998   Selección de fútbol sub-21 de España 1 (0) 2000-2003   España 11 (0)
Participou en
2002	Mundial de Fútbol Corea/Xapón 2002

Juan Francisco García García máis coñecido como Juanfran, nado o 15 de xullo de 1976 en Rafelbunyol (Valencia), é un exfutbolista e adestrador de fútbol profesional. Actualmente adestra a Ponferradina, da Segunda División.

Traxectoria

Formouse no Levante UD co que conseguiu o ascenso a Segunda División, aínda que pronto ficha polo Valencia CF co que debuta en Primeira División. Na súa estancia en Valencia gañou a Copa do Rei e a Copa Intertoto na tempada 1998-1999.

No ano 1999 ficha polo Celta de Vigo, a onde chegou como promesa pero pronto se afianzou no equipo titular para substituír a Rafael Berges, e se gañou á afección grazas ao seu reborde físico no campo.

En Vigo viviu os grandes momentos da final da Copa do Rei no ano 2001, a Copa Intertoto de 2001 ou a clasificación para a Liga de Campións, mais tamén sufriu o descenso a Segunda División, na que sería a súa última tempada en Vigo, sendo traspasado ao Beşiktaş JK turco adestrado por Vicente del Bosque. Porén, coa marcha do adestrador madrileño ao ano seguinte tamén se produciu a do xogador, que fichou polo Ajax Amsterdam. En Holanda gañou a Copa e a Supercopa.

No verán de 2006 volveu a España fichando polo Real Zaragoza, aínda que non tería continuidade e tras ser apartado do club pola directiva fichou polo AEK Atenas FC, proclamándose subcampión de Liga. No mercado de inverno de 2010 Juanfran fichou polo Levante UD en calidade de cedido, club polo que acabou fichando en propiedade e no que rematou retirándose en 2016.

Coa Selección de fútbol de España foi internacional en 11 encontros oficiais ademais de participar nas categorías inferiores, participou na Eurocopa de Fútbol Sub-21 de 1998, e xa na selección absoluta nas Eurocopas de 2000 e 2004 e no Mundial de Fútbol Corea/Xapón 2002.

Clubs

Club	País	Ano	Partidos	Goles
CD Miguel Gómez Galan Serranos	España	Inicios
Levante UD	España	1993-1997	52	1
Valencia CF	España	1997-1999	54	0
Real Club Celta de Vigo	España	1999-2004	176	9
Beşiktaş JK	Turquía	2004-2005	19	1
Amsterdamsche Football Club Ajax	Países Baixos	2005-2006	21	0
Real Zaragoza	España	2006-2008	71	0
AEK Atenas FC	Grecia	2008-2009	26	0
Levante UD	España	2009-2016	192	2

Palmarés

Campionatos nacionais

Título	Equipo	País	Ano
Copa do Rei	Valencia CF	España	1998-1999
Copa dos Países Baixos	Ajax	Países Baixos	2005-2006
Supercopa dos Países Baixos	Ajax	Países Baixos	2005-2006

Campionatos internacionais

Título	Club	Rexión	Ano
Copa Intertoto da UEFA	Valencia CF	Europa	1998
Copa Intertoto da UEFA	Celta de Vigo	Europa	2000