Javier Urruticoechea

Urruti
Urruti
Información persoal
Nome	Francisco Javier González Urruticoechea
Nacemento	17 de febreiro de 1952 (71 anos)
Lugar de nacemento	Donostia
Falecemento	24 de maio de 2001
Lugar de falecemento	Esplugues de Llobregat
Posición	Porteiro
Carreira xuvenil
	SD Lengokoak
	Real Sociedad
Carreira sénior
Na rede
	Partidos e goles só en liga doméstica.; [ editar datos en Wikidata ]
	v; c; e;

Francisco Javier González Urruticoechea máis coñecido coma Urruti, nado en Donostia o 17 de febreiro de 1952 e finado en Esplugues de Llobregat (provincia de Barcelona) o 24 de maio de 2001 foi un futbolista vasco que xogaba na demarcación de gardameta. Foi un dos porteiros da liga española con maior prestixio dos anos 80 e foi internacional coa selección de fútbol de España.

Traxectoria[editar | editar a fonte]

Comezou xogando no SD Lengokoak pasando pronto a xogar no San Sebastián CF, filial da Real Sociedad. No ano 1973 debuta co primeiro equipo e ao ano seguinte afianzábase na portería, dándolle o relevo a José Ramón Esnaola Laburu. Nos seus comezos no equipo vasco competiu pola titularidade con Pedro María Artola ata a chegada á titularidade de Luis Miguel Arconada, que faría que tanto Urruti coma Artola deixaran o equipo para fichar por RCD Espanyol e FC Barcelona respectivamente.

Chegou ao RCD Espanyol comezada a tempada 1977/78, facéndose coa titularidade dende o primeiro momento. As súas boas actuación fixeron que fichase polo FC Barcelona de cara á tempada 1981/82 para substituír o que xa fora compañeiro seu na Real Sociedade, Pedro María Artola. Xogando nas filas do Barcelona gañou o Trofeo Zamora ao porteiro menos goleado da Primeira División.

Co tempo na portería catalá substituiríao o tamén porteiro vasco, Andoni Zubizarreta.

Coa selección de fútbol[editar | editar a fonte]

A pesar de ir convocado a tres Mundiais (Arxentina 78, España 1982 e México 1986) non chegou a debutar en ningún deles, ao igual que na Eurocopa de Fútbol Italia 1980, a causa da titularidade indiscutíbel de Luis Miguel Arconada. En total so disputou cinco encontros coma titular, encaixando 6 goles.

Debutou en Xixón o 29 de marzo de 1978 ante Noruega, con vitoria de España por tres a cero.

Palmarés[editar | editar a fonte]

Campionatos estatais[editar | editar a fonte]

Título	Club	País	Ano
Copa do Rei	FC Barcelona	España	1981
Copa da Liga	FC Barcelona	España	1982
Copa do Rei	FC Barcelona	España	1983
Liga	FC Barcelona	España	1985
Supercopa	FC Barcelona	España	1984
Copa da Liga	FC Barcelona	España	1986
Copa do Rei	FC Barcelona	España	1988

Copas internacionais[editar | editar a fonte]

Título	Equipo	País	Ano
Recopa de Europa	FC Barcelona	España	1982

Distincións individuais[editar | editar a fonte]

Distinción	Ano
Trofeo Zamora	1984