Partido Galego
| Partido Galego | |
|---|---|
 | |
| Acrónimo | PG |
| Tipo | partido político |
| Ideoloxía | nacionalismo galego, galeguismo e europeísmo |
| País | España |
| Na rede | |
  | |
| [ editar datos en Wikidata ] | |
O Partido Galego (PG) é un partido político de centro galeguista de ámbito autonómico, que naceu en 2020 coa intención de representar a todas as persoas que se senten galegas e españolas e que consideran que Galicia é unha comunidade autónoma que conta cunha cultura e unha lingua propia diferenciada do resto de comunidades.
Ideoloxía
[editar | editar a fonte]O perfil político do Partido Galego sitúase na centralidade política, tendo como piar principal da súa ideoloxía un sentimento galeguista. O Partido Galego ten como intereses principais a defensa e a protección da cultura galega, a defensa dos piares do benestar públicos (educación, sanidade, servizos sociais e pensións), a defensa da ecoloxía, a defensa do rural e a defensa do desenvolvemento sostible dos sectores produtivos da comunidade conectando coa sociedade galega.[1]
A súa acción política céntrase en gran medida no apoio e mellora en sectores consolidados tales como a pesca, gandaría, viticultura etc., así como en impulsar sectores potenciais da industria, xerando unha produción que atenda a economía circular amosando especial atención no conxunto da cadea de valor. O Partido Galego aposta polo comercio sostible, tratando de fomentar que esta actividade se exerza no comercio de proximidade e que sexa ecolóxico.
Logotipo
[editar | editar a fonte]O logo representa o conxunto das ideas básicas do partido e está formado polas siglas PG. Nelas distínguense un carballo (árbore propia do clima oceánico de Galicia), unha rede de pesca (propia dun dos sectores produtivos máis importantes da comunidade), a bandeira de Galicia e as lentes de Castelao (timidamente ocultas entre as letras gue e o na palabra galego).[2]
Traxectoria
[editar | editar a fonte]O Partido Galego presentouse o 12 de decembro de 2020 en Melide[3] e fixo o seu Congreso Constituínte en Arzúa o 22 de outubro de 2022,[4][5] e o seu primeiro Congreso ordinario foi en Teo, o 6 de abril de 2024, onde foron elixidos como dirixentes Miguel Míguez, como secretario xeral da formación, e Francisco Villanueva como presidente.[6]
Defínese como un partido de "centro transversal" e sitúase a si mesmo "no espazo do galeguismo, da moderación, e do equilibrio medioambiental".[7] A disposición gráfica das siglas (PG) é moi semellante[8] ás do extinto Partido Galeguista Demócrata, na etapa en que fora dirixido por Manoel Soto.
Presentouse ás municipais de 2023 como membro da coalición Contamos en concellos lugueses[9] e, a coalición, conseguiu 4.589 sufraxios o 2,39% da provincia de Lugo. A maior parte do apoio recibido veu de Sarria con 2 808 votos grazas a que Camiña Sarria formaba parte da coalición. Sacaron 18 concelleiros.
O Partido Galego estreouse nas eleccións europeas cun resultado de 2.074 sufraxios en Galicia, e mais en total acadaron 5.604 obtendo a maior parte do seu apoio fóra de Galicia presuntamente de galegos emigrados.[10] A súa candidata foi Olga Dourado.[11]
Resultados electorais
[editar | editar a fonte]Eleccións municipais
[editar | editar a fonte]| Ano | Votos | Coalición | Porcentaxe (%) | Concelleiros | Maiorías absolutas |
Maiorías simples |
| 2023 | 4.589 
|
Dentro de Contamos | 0,32%
|
18 / 3.705 |
0 | 2 |
Parlamento Europeo
[editar | editar a fonte]| Parlamento Europeo | |||||
| Eleccións | Total | Galicia | |||
|---|---|---|---|---|---|
| 2024 | 0 / 54 |
 0
|
2.074 | 0,18% | |
Notas
[editar | editar a fonte]- ↑ "Coñece o PG – Partido Galego". Consultado o 2022-03-02.
- ↑ "vídeo acto PRESENTACIÓN Partido Galego". Consultado o 2022-03-02.
- ↑ Europa Press / Redacción (12 de decembro de 2020). "Nace o proxecto político Partido Galego, unha formación que se declara transversal e con visión europeísta". galiciaconfidencial.com. Consultado o 2 de outubro de 2024.
- ↑ Soutullo Carolo, Salvador (12 de febreiro de 2024). "Partido Galego, o grande ausente para non interferir negativamente nun goberno de cambio". nosdiario.gal.
- ↑ Lema, Xosé Manuel (24 de outubro de 2022). "O Partido Galego celebrou o seu congreso erguendo a bandeira do galeguismo moderado, integrador e conciliador". adiantegalicia.es. Consultado o 2 de outubro de 2024.
- ↑ Redacción (8 de abril de 2024). "Miguel Míguez, novo secretario xeral do Partido Galego, que presidirá Francisco Villanueva". nosdiario.gal. Consultado o 2 de outubro de 2024.
- ↑ "O Partido Galego iniciou a súa singradura para “ir dicindo as verdades do país”". Adiante Galicia. Consultado o 2020-12-12.
- ↑ Xoán Carlos Gil. Manuel Soto asume la secretaría general del Partido Galeguista (La Voz de Galicia).
- ↑ "GaS, PG y Camiña Sarria buscan un diputado bajo la marca Contamos". El Progreso. 15 de abril de 2023. Consultado o 25 de xuño de 2024.
- ↑ "Resultados en Galicia de las elecciones europeas 2024". 20minutos.es. 9 de xuño de 2024. Consultado o 25 de xuño de 2024.
- ↑ "Trinta e tres candidaturas pugnan por facer ver as eleccións europeas do 9X". Praza Pública. 14 de maio de 2024. Consultado o 25 de xuño de 2024.