Partido político

Na Galipedia, a Wikipedia en galego.
Este é un dos 1000 artigos que toda Wikipedia debería ter.

Un partido político é unha organización política que ten unha ideoloxía determinada ou persegue un fin determinado. Os partidos políticos forman unidades organizativas e nunha democracia recoñéceselles o dereito a participar nos comicios electorais por medio da presentación de candidatos.

Orixe[editar | editar a fonte]

Os partidos políticos modernos xorden como un comportamento político disidente fronte o sistema de normas vixentes dun determinado momento. Segundo as situacións poden xurdir sistemas de partidos políticos como consecuencia do desenvolvemento dos sistemas parlamentarios, como foi o caso dos Estados Unidos e Inglaterra; tamén poden xurdir en situacións de crise ou do xurdimento dun novo estado, como foi o caso de Islandia e Irlanda, como consecuencia de disputas dinásticas como o carlismo en España, polo afundimento de democracias parlamentarias como foi o caso de Alemaña cando asumiu o poder o nazismo e se converteu en partido único.

Tipoloxía[editar | editar a fonte]

Xosé Manuel Beiras, político galego pertencente ó partido político ANOVA-Irmandade Nacionalista.

Ideoloxicamente os partidos políticos agrúpanse en familias, a súa aparición cronolóxica é a seguinte:

  • Os partidos liberais, xurdiron como reacción ao Antigo Réxime
  • Os partidos conservadores que xurdiron como reacción ao principio monárquico autocrático na primeira metade do século XIX.
  • Os partidos socialistas que xurdiron contra o sistema burgués.
  • Os partidos agrarios que xurdiron contra a o sistema industrial.
  • Os partidos rexionalistas e nacionalistas contra o centralismo dos estados.
  • Os partidos relixiosos, contra o laicismo
  • Os partidos comunistas en Europa Occidental, contra a socialdemocracia.
  • Os partidos fascistas, contra a democracia.
  • Os partidos protesta, contra os altos impostos ou a burocracia dalgúns estados.
  • Os partidos verdes, contra o medre da sociedade industrial.
  • Os partidos temáticos, en torno á consecución de determinados dereitos (en certa forma, os relixiosos e os protesta poderían estar incluídos nesta epígrafe).

Partidos políticos no mundo[editar | editar a fonte]

Véxase tamén[editar | editar a fonte]

Outros artigos[editar | editar a fonte]


Este artigo tan só é un bosquexo
 Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.