Antonio Villar Chao

Na Galipedia, a Wikipedia en galego.
Saltar ata a navegación Saltar á procura
Chao
Información persoal
Nome Antonio Villar Chao
Nacido 26 de marzo de 1921
Lugar A Coruña
Falecido 23 de maio de 2000
Lugar Estados Unidos de América
Posición Dianteiro
Carreira sénior
Anos Equipos Aprs (Gls)
1941–1949 Deportivo da Coruña 149 (40)
1949–1951 CD Málaga 26 (3)
Partidos e goles só en liga doméstica.

Antonio Villar Chao, nado na Coruña o 26 de marzo de 1921 e finado nos Estados Unidos o 23 de maio de 2000, foi un futbolista galego. Xogaba de dianteiro.

Traxectoria[editar | editar a fonte]

Xogou como infantil e xuvenil na Unión Sportiva de Santa Lucía e en 1939 pasou ao Deportivo[1]. Na tempada 1941–42 debutou co Deportivo da Coruña en Primeira División, estreándose da man do adestrador Celso Mariño na xornada 4, nunha derrota fronte o Celta de Vigo a domicilio (2–1), no que supuxo o primeiro derbi entre dous equipos galegos na máxima categoría. O seu primeiro tanto chegaría na xornada 13, nun empate fronte o Real Oviedo (1–1). Foi un habitual da dianteira coruñesa, compartindo posto con Cuca, Caballero e Elícegui. O equipo logrou un cuarto posto na táboa.

Co Deportivo viviu dous descensos a Segunda División (nas tempadas 1944–45 e 1946–47), con ascensos consecutivos. O seu récord goleados logrouno na tempada 1948–49, na que logrou 10 tantos. Ao remate desta campaña abandonou a disciplina branquiazul.

Na tempada 1949–50 fichou polo CD Málaga, onde permaneceu dúas campañas. En 1950 xogou en México coa selección de España B e acabou pasando ao fútbol mexicano, xogando co Club América entre 1951 e 1953 [2]. Adestrador dende 1953, dirixiu equipos xuvenís, como o Fabril ou a selección galega de xuvenís. En 1958 emigrou a Venezuela, onde adestrou o equipo da Hermandad Gallega. Morreu no Estados Unidos mentres se trataba dunha infección.

Vida persoal[editar | editar a fonte]

Era fillo do galeguista Antón Vilar Ponte.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]