Yago Iglesias

Na Galipedia, a Wikipedia en galego.
Saltar ata a navegación Saltar á procura
Yago Iglesias
Información persoal
Nacemento 6 de outubro de 1982
Lugar de nacemento Palmeira
editar datos en Wikidata ]

Santiago "Yago" Iglesias Estepa, nado en Palmeira (Ribeira) o 6 de outubro de 1982, é un adestrador de fútbol galego. O último equipo que adestrou foi a SD Compostela.

Traxectoria[editar | editar a fonte]

Iglesias traballou no CD Boiro e no Pontevedra CF B antes de comezar a súa carreira como adestrador no CSH Palmeira, na Terceira Autonómica, en 2010. Despois de ser axudante no Portonovo SD, acompañou a Raúl Caneda no Al-Ittihad FC. Iglesias regresou a España en xaneiro de 2013, despois de ser retido en Arabia Saudita por problemas de papeis. O 22 de xullo fichou polo Atlético de Riveira, tamén nas ligas rexionais.

En xullo de 2015, despois de traballar co Xuvenil Santiago de Compostela CF, Iglesias foi nomeado adestrador do Noia CF en Terceira División. O 21 de xuño do ano seguinte fíxose cargo da SD Compostela.

En 2020, despois de acadar tres play offs de ascenso consecutivos, o equipo de Iglesias logrou finalmente o ascenso a Segunda División B, volvendo á categoría despois de catro tempadas. Renovou o seu contrato para unha nova tempada en agosto dese mesmo ano.