Pedro López Crespo

Na Galipedia, a Wikipedia en galego.
Saltar ata a navegación Saltar á procura
Pedrito
Información persoal
Nome completo Pedro López Crespo
Nacemento 18 de marzo de 1917
Lugar A Coruña, Galicia
Falecemento 21 de xaneiro de 2001 (83 anos)
Lugar A Coruña, Galicia
Posición Defensa
Carreira xuvenil
Oza de Monelos
Carreira sénior
Anos Equipos Aprs (Gls)
1936–1951 Deportivo da Coruña 149 (0)
Selección nacional
1945 España 1 (0)
* Partidos e goles só en liga doméstica.
† Aparicións (Goles)

Pedro López Crespo, máis coñecido como Pedrito, nado na Coruña o 18 de marzo de 1917 e finado na mesma cidade o 21 de xaneiro de 2001, foi un futbolista galego. Xogaba de defensa e foi internacional coa selección española.

Traxectoria[editar | editar a fonte]

Incorporado á disciplina do Deportivo da Coruña na tempada 1935–36, non puido debutar en categoría nacional polo estalido da guerra civil. Daquela o conxunto coruñés competía na Segunda división.

Na tempada 1941–42 debutou co Deportivo en Primeira división, xogando o seu primeiro partido na máxima categoría o 2 de novembro de 1941, correspondente á xornada 6, nunha derrota fronte ao Valencia a domicilio (2–0). Nesa campaña participou en 15 partidos.

Co Deportivo viviu dous descensos a Segunda división, nas tempadas 1944–45 e na 1946–47, sendo un habitual dos onces titulares do conxunto coruñés até a súa xubilación. O seu derradeiro partido foi o 23 de abril de 1950, nun empate a domicilio contra o Athletic Club (2–2) na derradeira xornada do campionato, que supuxo que o Deportivo non se alzase campión de liga da tempada 1949–50 pois necesitaba a vitoria.

Selección nacional[editar | editar a fonte]

O 6 de maio de 1945 debutou coa selección española nun encontro amigable contra Portugal (4–2) en Riazor, na que foi a inauguración oficial do estadio coruñés.

Véxase tamén[editar | editar a fonte]

Ligazóns externas[editar | editar a fonte]