Zona de especial protección para as aves
As Zonas de especial protección para as aves (ZEPA), son catalogadas polos estados membros da Unión Europea como zonas naturais de singular relevancia para a conservación da avifauna ameazada de extinción, de acordo co establecido na directiva comunitaria 79/409/CEE e modificacións subseguintes («Directiva das Aves» da UE).
Nas zonas de protección prohíbese ou limítase a caza de aves, regúlase a posíbel comercialización; estando obrigados os a actuar para conservar as condicións medioambientais requiridas para o descanso, reprodución e alimentación das aves. A convención parte do recoñecemento de que as aves do territorio europeo son patrimonio común e han de ser protexidas a través dunha xestión homoxénea que conserve os seus hábitats.
Índice |
Galiza [editar]
As ZEPA galegas inclúen os seguintes espazos[1]:
- Illas Cíes (concello de Vigo), que tamén é Parque Nacional.
- Ribadeo e Trabada, zona húmida protexida.
- Ría de Ortigueira e Ladrido (concellos de Cariño e Ortigueira), zona húmida protexida.
- Complexo intermareal Umia-O Grove, A Lanzada, punta Carreirón e lagoa Bodeira (concellos de Cambados, O Grove, Illa de Arousa, Meaño, Ribadumia e Sanxenxo), que tamén é unha zona húmida protexida.
- Illa de Ons (concello de Bueu), que ademais é Parque Nacional.
- Serra da Enciña da Lastra (concello de Rubiá), Parque Natural.
- Costa da Morte Norte (concellos de Cabana de Bergantiños, Camariñas, Carballo, Laxe, Malpica de Bergantiños e Ponteceso).
- Costa de Ferrolterra-Valdoviño (concellos de Ferrol, Narón e Valdoviño).
- Complexo dunar de Corrubedo (concello de Ribeira), zona húmida protexida.
- Costa da Mariña occidental (concellos de Cervo, O Vicedo, Viveiro e Xove).
- Ría de Foz (concellos de Barreiros e Foz).
- Serra dos Ancares (concellos de Cervantes e Navia de Suarna), que tamén é zona de especial protección para o oso pardo.
- Esteiro do Miño (concellos da Guarda e O Rosal).
- Baixa Limia - Serra do Xurés (concellos de Bande, Calvos de Randín, Entrimo, Lobeira, Lobios, Muíños, Quintela de Leirado e Verea), que tamén ten a protección de Parque Natural.
- Pena Trevinca
