Zona de especial protección para as aves

Na Galipedia, a Wikipedia en galego.
Complexo dunar de Corrubedo unha das ZEPAs existentes en Galiza.

As Zonas de especial protección para as aves (ZEPA), son catalogadas polos estados membros da Unión Europea como zonas naturais de singular relevancia para a conservación da avifauna ameazada de extinción, de acordo co establecido na directiva comunitaria 79/409/CEE e modificacións subseguintes («Directiva das Aves» da UE). Na rede galega de espazos protexidos son unha categoría dentro das "Zonas de especial protección dos valores naturais" (ZEPVN).

Nas zonas de protección prohíbese ou limítase a caza de aves, regúlase a posíbel comercialización; estando obrigados os a actuar para conservar as condicións medioambientais requiridas para o descanso, reprodución e alimentación das aves. A convención parte do recoñecemento de que as aves do territorio europeo son patrimonio común e han de ser protexidas a través dunha xestión homoxénea que conserve os seus hábitats.

España[editar | editar a fonte]

No estado español hai declaradas 647 ZEPAs, que abranguen a 10,16 millóns de ha. terrestres e 5,18 millóns de ha. mariñas.[1]

Galicia[editar | editar a fonte]

As ZEPA galegas inclúen os seguintes espazos[2][3]:

Sortable table
Nome Concellos ou Comarcas Superficie (ha.)
A Limia Comarca da Limia e comarca de Allariz - Maceda[4] 6939
Ancares Cervantes, Navia de Suarna 12656
Baixa Limia - Serra do Xurés Comarca da Baixa Limia e Terra de Celanova[5] 31287
Complexo intermareal Umia - O Grove, A Lanzada, punta Carreirón e lagoa Bodeira Cambados, O Grove, Illa de Arousa, Meaño, Ribadumia, Sanxenxo. 2813
Complexo litoral de Corrubedo Ribeira 971
Costa de Ferrolterra - Valdoviño Ferrol, Narón e Valdoviño 4266
Costa da Mariña occidental Vicedo, Viveiro, Xove, Cervo 2168
Costa da Morte (Norte) Arteixo, A Laracha, Carballo, Malpica 7962
Esteiro do Miño Guarda, O Rosal 1688
Illa de Ons Bueu 924
Illas Cíes Vigo 990
Pena Trevinca Carballeda de Valdeorras, A Veiga, Viana do Bolo, Manzaneda, O Bolo 22511
Ribadeo Ribadeo, Trabada 625
Ría de Foz Foz, Barreiros 564
Ría de Ortigueira e Ladrido Cariño, Ortigueira 3025
Serra da Enciña da Lastra Comarca de Valdeorras e comarca leonesa de Ponferrada 1787

Notas[editar | editar a fonte]

  1. Ministerio de Agricultura y Pesca, Alimentación y Medio Ambiente. Goberno de España (eds.). "Zonas de Especial Protección para las Aves (ZEPA)". 
  2. "Zonas de Especial Protección dos Valores Naturais (ZEPVN)". Consultado o 18/08/2017. 
  3. Ministerio de Agricultura y Pesca, Alimentación y Medio Ambiente - MAPAMA (eds.). "Red Natura 2000 - ZEPA de Galicia". 
  4. Abrangue territorio dos concellos de Baños de Molgas, Porqueira, Rairiz de Veiga, Sandiás, Sarreaus, Vilar de Barrio, Vilar de Santos, Xinzo de Limia e Xunqueira de Ambía.
  5. Abrangue territorio dos concellos de Bande, Calvos de Randín, Entrimo, Lobeira, Lobios, Muíños, Quintela de Leirado, Verea.

Véxase tamén[editar | editar a fonte]

Ligazóns externas[editar | editar a fonte]