Complexo Intermareal Umia-O Grove

Na Galipedia, a Wikipedia en galego.
Complexo Intermareal Umia-O Grove, A Lanzada, punta Carreirón e lagoa Bodeira
Complexo intermareal coa marea alta e baixa
Marco Legal
Figura de Protección: ZEC, ZEPA, Zona húmida Ramsar
Ano de constitución: 2004
Superficie: 2.813 ha.
Lexislación: Decreto 110/2004, do 27 de maio
Datos de interese
País: Galicia Galicia
Provincias: Pontevedra
Concellos: Sanxenxo, O Grove, Meaño, Cambados e A Illa de Arousa
Ríos:
Picos
Direccións de interese:
Teléfonos:


O Complexo Intermareal Umia-O Grove, A Lanzada, punta Carreirón e lagoa Bodeira é un espazo natural terrestre e mariño declarado como catalogado zona especial de conservación e zona de protección de aves desde 1990.[1] Está situado na ría de Arousa e esténdese polos concellos de Cambados, O Grove, Sanxenxo, Meaño, Ribadumia e a Illa de Arousa, cunha extensión total de 7490 hectáreas. Como espazo comprendido dentro da Rede Natura 2000, inclúe tamén as illas Ons e Onza.

Descrición xeográfica[editar | editar a fonte]

Os límites do Complexo Intermareal Umia-O Grove varían segundo a figura de protección que se teña presente, pero no seu conxunto comprende cinco espazos con características propias:

  • A enseada do Umia: formada pola desembocadura do río Umia na ría de Arousa, ata o istmo que une O Grove con Sanxenxo.
  • As dunas e praia da Lanzada: istmo areoso que se abre á ría de Arousa ó leste e ó mar aberto ó oeste. Está formado por dunas sedimentarias fixadas pola vexetación sobre un fondo de arxila.
  • Os cantís da costa de San Vicente do Grove: a costa oeste da península do Grove presenta formacións xeolóxicas con grandes cons, furnas, cantís e algunhas praias.
  • A punta Carreirón, no sur da Illa de Arousa. Por proximidade xeográfica inclúense aquí os illotes de Rúa, Guidoiro Areoso e Guidoiro Pedregoso.
  • A lagoa Bodeira: única lagoa litoral de auga doce da provincia de Pontevedra, á beira da praia da Mexilloeira.
Cistanche phelypaea, especie que, en Galicia, só se atopa no Complexo Umia-O Grove

Valores ecolóxicos[editar | editar a fonte]

Os valores que lle fixeron merecedor de protección e catalogación como Espazo Natural consisten na peculiar flora e fauna da marisma e, especialmente, na abundante e variada poboación de aves acuáticas invernantes que veñen descansar na marisma durante os pasos migratorios. Durante o período invernal poden contabilizarse ata 13.000 aves acuáticas.

Lexislación[editar | editar a fonte]

O complexo Umia-O Grove, ou partes del, tamén é obxecto doutras figuras de protección ambientais:[1]

Notas[editar | editar a fonte]

  1. 1,0 1,1 Consellaría de Medio Ambiente e Ordenación do Territorio, Xunta de Galicia. (eds.). "Complexo intermareal Umia - O Grove, A Lanzada, punta Carreirón e lagoa Bodeira". 

Véxase tamén[editar | editar a fonte]

Bibliografía[editar | editar a fonte]

  • Leiro, Adela; Daporta, Mon; e Caamaño Rivas, Victor M.: Espazos naturais. Provincia de Pontevedra. A Nosa Terra, Vigo 2003.
  • La Voz de Galicia: “O Salnés amplía su ámbito de protección con la Red Natura 2000”, en La Voz de Galicia 3.03.2002.
  • Varios: A enseada do Umia-O Grove. Asociación de Ensinantes do Salnés, 1991.
  • Varios: “Complexo Ons-O Grove”, en O Bugallo nº 23, agosto 2002.

Ligazóns externas[editar | editar a fonte]

  • Decreto 157/1995, do 3 de xuño, polo que se inclúen as zonas denominadas Umia-O Grove, A Lanzada, lagoa Bodeira e punta Carreirón; ría de Ortigueira; lagoa e areal de Valdoviño e ría do Eo no Rexistro Xeral de Espazos Naturais de Galicia (DOG nº 106, de 5.06.1995)