Fraga de Catasós
Coordenadas: 42°38′10″N 8°05′40″O / 42.63611, -8.09454
| Fraga de Catasós | |||
|---|---|---|---|
| |||
| Marco Legal | |||
| Figura de Protección: | Monumento Natural | ||
| Ano de constitución: | 12 de abril de 2000 | ||
| Superficie: | 4,52 ha. | ||
| Lexislación: | Decreto 76/2000, do 25 de febreiro. | ||
| Datos de interese | |||
| País: |  Galicia
| ||
| Provincias: | Pontevedra | ||
| Concellos: | Lalín | ||
| Ríos: | |||
| Picos | |||
| Direccións de interese: | |||
| Teléfonos: | |||
A fraga de Catasós é unha fraga declarada monumento natural no ano 2000, situada no lugar de Quintela, Catasós, no concello pontevedrés de Lalín. Tamén se coñece co nome de carballeira de Quiroga, xa que a maior parte dos exemplares dominantes son carballos, aínda que salienta polos seus senlleiros castiñeiros (tamén se lle chamaba souto), algúns de varios centos de anos, 5 metros de circunferencia e máis de 30 metros de altura (os máis altos de Europa).
Descrición[editar | editar a fonte]
É un reduto de fraga (bosque caducifolio mixto atlántico) que ocupa unha superficie total 4.5185 hectáreas. Aséntase sobre micacitas metamórficas pre-hercínicas básicas, que dan lugar a solos pardos acedos, de alta produtividade forestal. A área pertence á rexión eurosiberiana, provincia atlántica-europea e subprovincia cántabro-atlántica, e adscríbese ao sector galaico-portugués. Encóntrase nunha zona de transición entre o dominio climático oceánico de montaña e oceánico húmido con tendencia á aridez estival, cunha precipitación media anual de 1.290 mm, unha temperatura media de 12,7 °C e unha media de 293 días libres de xeadas. Sitúase a unha altitude aproximada de 550 m sobre o nivel do mar.
Especies de importancia[editar | editar a fonte]
Destacan no espazo a presenza de:
- o carballo común, Quercus robur.
- o castiñeiro, Castanea sativa, algún senlleiros e dos maiores do continente. Foron aproveitados coma soutos para produción de castañas e madeira (fabricación de moblaxe, trabes e leña).
- a Narcissus cyclamineus, amarelle, herbáceas endémicas de Galiza e norte de Portugal, recollida no anexo II da Directiva Hábitats e considéranse vulnerables en Galicia.
- e a vacaloura (Lucanus cervus), o insecto recollido no anexo II da Directiva Hábitats e considéranse vulnerables en Galicia.
Toro dun castiñeiro da fraga de Catasós, derrubado en 1984 polo furacán Hortensia, cunha idade estimada de 270 anos.
Toro dun castiñeiro.
Situación[editar | editar a fonte]
A fraga atópase a uns 4 km da vila de Lalín, preto da estrada N-525 entre Santiago de Compostela e Ourense. Posúe unha curta e sinxela ruta para practicar sendeirismo, un paseo fluvial a través da fraga moi ben sinalizada.
Véxase tamén[editar | editar a fonte]
Bibliografía[editar | editar a fonte]
- Información da fraga na web da Xunta de Galicia, Consellaría de Medio Ambiente, territorio e infraestruturas
- Información da fraga da web de Turgalicia
| ||||||||||||||||||||||||||||||
