Lugar de importancia comunitaria

Na Galipedia, a Wikipedia en galego.

Os lugares de importancia comunitaria (LIC) son espazos naturais situados no territorio dos estados membros da Unión Europea designados na directiva 92/43 como ecosistemas a protexer co obxecto de contribuír a garantir a biodiversidade mediante a conservación dos hábitats naturais e da fauna e flora silvestres. Estes lugares seleccionados polos diferentes países en función dun estudo científico pasarán a formar parte das zonas de especial conservación, que se integrarán na Rede Natura 2000 europea.

Lugares de importancia comunitaria en España[editar | editar a fonte]

En España existen un total de 1.448 áreas protexidas baixo esta denominación,[1] que representan case 12 millóns de hectáreas, un 22.21% do territorio.

Na comunidade de Madrid, o territorio protexido con esta figura representa un 39,89% do territorio da comunidade autónoma; nas Illas Canarias, o 36.90%; na Rioxa, o 33.25%.

Lugares de importancia comunitaria en Galicia[editar | editar a fonte]

A comunidade galega é a que posúe a menor porcentaxe de territorio protexido coa denominación de Lugar de Importancia Comunitaria: 371.868 hectáreas, que representan o 11.61%.

O número de espazos protexidos en Galicia é de 59.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]