Igrexa de Lojsta

Na Galipedia, a Wikipedia en galego.
Saltar ata a navegación Saltar á procura
Igrexa de Lojsta
Igrexa de Lojsta 02.jpg
Datos xerais
PaísSuecia Suecia
RexiónGotland Gotland vapen.svg
LocalizaciónLojsta
Coordenadas57°18′46″N 18°23′02″L / 57.31283333, 18.38391667Coordenadas: 57°18′46″N 18°23′02″L / 57.31283333, 18.38391667
Culto
CultoIgrexa de Suecia
DioceseDiocese de Visby
editar datos en Wikidata ]

A igrexa de Lojsta (sueco: Lojsta kyrka) é unha igrexa medieval luterana en Lojsta, na illa sueca de Gotland, pertencente á diocese de Visby.

Historia e arquitectura[editar | editar a fonte]

A presente igrexa foi probablemente precedida por unha stavekirke de onde procederían dúas trabes atopadas no uro oeste da da nave actual.[1] A nave é o coro forman a parte máis antiga da actual igrexa de Lojsta. Estes datan do segundo cuarto do século XIII, e é probable que o coro chegase a estar unido á antiga igrexa de pedra durante un breve período de tempo antes de levantarse a nova nave. Durante a primeira metade do século XIV, a presente torre gótica substituíu a unha anterior situada na parte oeste da nave.[1] Ademais, durante a construción da torre, realizáronse traballos de reconstrución no edificio.[2]

O interior da igrexa está decorado con catro grupos distintos de frescos. O máis antigo, da época da construción da nave e o coro, é puramente ornamental. Na parede entre o coro e a nave, enriba da bóveda (que data da modernización da igrexa levada a cabo no século XIV) hai frescos do XIV que representan a Cristo como xuíz do mundo, flanqueado polos apóstolos San Pedro e San Paulo, ademais do arcanxo Miguel e de Santa Margarida. No muro norte da nave hai outro conxunto de frescos do século XV representando a Paixón de Cristo realizados polo artista coñecido como Passionsmästaren. Finalmente, hai un fragmento dun fresco de 1520 que representa a San Xurxo e o Dragón na parede sur da nave. A igrexa tamén destaca polas súas vidreiras medievais e moi bo estado de conservación. Nas tres fiestras do muro oriental do coro todos os paneis agás un son orixinais, datando de mediados do século XIII. Representan a vida, morte e resurrección de Cristo.[2]

A igrexa tamén ten algunhas pezas de mobiliario destacables. A pía bautismal é dó século XII pero está moi desgastada. O retablo é do XIV e foi repintado no século XIX. No chan do coro hai unha tumba dun home que morreu en 1342 e dunha muller que morreu en 1344.[2]

Na década de 1860 refixéronse as fiestras e substituíronse (agás as do coro). A igrexa foi restaurada en 1957.[2]

Galería de imaxes[editar | editar a fonte]

Notas[editar | editar a fonte]

  1. 1,0 1,1 Jonson, Christer (2017). Angels et dragons : Gotland's cultural treasures. Visby: Gotlands Museum. ISBN 9789188036988. OCLC 1077527198. 
  2. 2,0 2,1 2,2 2,3 Lagerlöf, Erland (1973). Rabén & Sjögren, ed. Gotlands kyrkor. Uddevalla. pp. 199–201. ISBN 9129410355.