Igrexa de Anga

Igrexa de Anga
Tipo	igrexa
Estilo	arquitectura románica
Diocese	Diocese de Visby
Localización
	57°28′49″N 18°42′23″L / 57.48036, 18.70644
Estado	Suecia
Condado	provincia de Gotland
Concello	Gotland
Localización	Anga
Código postal	SE-623 72
Acontecementos
século XIII	construción
Persoas e organizacións
Ocupante	Q10727852
Patrimonio cultural
Edificio eclesiástico catalogado en Suecia
	;
Complexo eclesiástico de edificios catalogado
Contacto
Páxina WEB	svenskakyrkan.se…
	[ Wikidata ]

A igrexa de Anga (sueco: Anga kyrka) é unha igrexa medieval luterana en Anga, na illa sueca de Gotland, pertencente á diocese de Visby.

Historia e arquitectura

A igrexa de Anga toma o seu nome dunha granxa agora desaparecida, mencionada nunha incrición dunha pedra rúnica de finais do século XI. O primeiro edificio foi construído probablemente como igrexa para a gran granxa. Durante escavacións arquolóxicas levadas a cabo entre 1946 e 1947 atóparonse restos de madeira queimada, o que podería indicar que a primeira igrexa podería ter sido unha stavkirke.^[1]

A presente igrexa de estilo románico foi construída durante o século XIII.^[2] Grazas a investigacións dendrocronolóxicas de detalles de madeira aínda intectos, a igrexa pode datarse de xeito preciso. O coro e a ábsida, as partes máis antigas da igrexa, foron construídos ao redor do ano 1215. A nave data de 1250 e a torre de 1265.^[1]

A igrexa é unha das mellor conservadas en Gotland de estilo románico, e dá unha boa impresión de como puideron ser a meirande parte das igrexas da illa nalgún momento. O interior destaca pola súa rica decoración na forma de frescos que datan de dous períodos. Os máis antigos son de finais do século XIII. Son principalmente ornamentais e de forma pouco común están asinados polo artista, un pintor chamado Halvard. Existe unha inscrición das mesmas datas en runas escritas en gutnish antigo que di o nome dos granxeiros da parroquia que constribuíron con bois e días de traballo na construción da igrexa, amosando que foi un traballo comunal. O outro conxunto de frescos representan a Paixón de Cristo xunto con lendas de santos e foi feito a mediados do século XV.^[1]^[2]

A igrexa foi decorada con gran cantidade de esculturas medievais de madeira, das cales a meirande parte atópanse no presente no Museo de Gotland en Visby. Na igrexa aínda se atopa o retablo, que data da década de 1370, e a cruz triunfal, do século XV.^[1] Tamén hai unha tumba no coro do século XII cunha inscrición rúnica.^[2]

Galería de imaxes

Retablo medieval
Vista dende o aire
Cruz triunfal

Notas

↑ ^1,0 ^1,1 ^1,2 ^1,3 Andrén, Anders (2011). Historiska Media, ed. Det Medeltida Gotland. En arkeologisk guidebok. Lund. pp. 187–188. ISBN 978-91-85873-83-8.
↑ ^2,0 ^2,1 ^2,2 Lagerlöf, Erland (1973). Rabén & Sjögren, ed. Gotlands kyrkor. Uddevalla. pp. 92–95. ISBN 9129410355.

[Det_Medeltida_Gotland-1] 1,0 ^1,1 ^1,2 ^1,3 Andrén, Anders (2011). Historiska Media, ed. Det Medeltida Gotland. En arkeologisk guidebok. Lund. pp. 187–188. ISBN 978-91-85873-83-8.

[Gotlands_kyrkor-2] 2,0 ^2,1 ^2,2 Lagerlöf, Erland (1973). Rabén & Sjögren, ed. Gotlands kyrkor. Uddevalla. pp. 92–95. ISBN 9129410355.

[1]

[2]