Igrexa de Hejnum

Igrexa de Hejnum
Tipo	igrexa
Diocese	Diocese de Visby
Localización
57°40′49″N 18°37′55″L
Estado	Suecia
Condado	provincia de Gotland
Concello	Gotland
Persoas e organizacións
Ocupante	Q10717808
Patrimonio cultural
Complexo eclesiástico de edificios catalogado
[ Wikidata ]

A igrexa de Hejnum (sueco: Hejnums kyrka) é unha igrexa medieval luterana en Hejnum, na illa sueca de Gotland, pertencente á diocese de Visby.

Historia

A torre románica é a parte máis antiga da igrexa de Hejnum. Orixinalmente formou parte doutra igrexa dese estilo, pero a nave e o coro foron substituídos durante mediadoss do século XIII polos presentes, de estilo gótico. Durante unha escavación realizada en 1941 atopáronse restos da igrexa orixinal. Unha inscrición rúnica sobre o portal occidental da torre pon "Botvid stenmästare", referíndose a un mestre canteiro e arquitecto de Gotland do século XIII. A igrexa permanece case inalterada dende a Idade Media. No ano 1960 foi restaurada.

Arquitectura

A igrexa está formada por unha nave, un coro máis estreito, unha sancristía e unha torre. A torre ten aperturas para as campás apoiadas por parteluces e cunha agulla octagonal. Varios relieves de pedra, un portal e partes dun friso da igrexa orixinal románica incorporáronse á fachada do presente edificio. O portal principal da igrexa está situado de xeito pouco común na cara norte, debido a que a igrexa está situada ao sur da estrada. As fiestras apuntadas, incluídas as tres delgadas fiestras do muro oriental do coro, son todas orixinais. O portal do coro ten decoración semellante á da igrexa de Hellvi e foi atribuída a un canteiro chamado Lavrans Botvidarsson. No seu interior a igrexa está decorada por dous conxuntos de frescos. Un data de ao redor do ano 1250 e o outro, do artista coñecido como Passionsmästaren, dó século XV

Galería de imaxes

• 
  Vista dende o sur
• 
  Interior da igrexa
• 
  Cruz triunfal