Igrexa de Fröjel
| Igrexa de Fröjel | |
|---|---|
 | |
| Datos xerais | |
| País |  Suecia |
| Rexión | Gotland  |
| Localización | Fröjel |
| Coordenadas | 57°20′08″N 18°11′24″L / 57.33559, 18.18988Coordenadas: 57°20′08″N 18°11′24″L / 57.33559, 18.18988 |
| Culto | |
| Culto | Igrexa de Suecia |
| Diocese | Diocese de Visby |
| [ editar datos en Wikidata ] | |
A igrexa de Fröjel (sueco: Fröjels kyrka) é unha igrexa medieval luterana en Fröjel, na illa sueca de Gotland, pertencente á diocese de Visby.
Historia[editar | editar a fonte]
A igrexa está construída preto dun labirinto "cidade de Troia" precristián, indicando que se trata dun lugar antigo.[1] A igrexa probablemente foi construída non só como un lugar de culto, senón tamén como un refuxio para épocas de perigo; atópase situada nun alto acantilado sobre un antigo porto ao lado do mar como se fose unha fortaleza e preto están as ruínas dunha torre defensiva que data da Idade Media. A parte máis antiga do edificio actual é a nave, construída a finais do século XII. A torre é un pouco posterior posterior, mentres que o coro e de ao redor do ano 1300 e de estilo gótico, a diferenza do resto da igrexa que é de estilo románico. A intención probablemente fose que toda a igrexa se reconstruíse en estilo gótico, pero por algunha razón só o coro foi reconstruído.[2]
O interior da igrexa ten varios frescos medievais, representando dragóns, cervos, leóns e grifóns, ademais dun anxo e un bispo. Os frescos son de principios do século XIV.[3] A base da pía bautismal está feita polo obradoiro do artista do século XII coñecido como Master Byzantios, mentres que a parte superior é do século XIV e está considerada como o prototipo do numerodo "grupo de Fröjel" de pías exportadas a Escania, Dinamarca e Alemaña.[4] Na igrexa tamén hai unha gran cruz triunfal, con Cristo rodeado por varias escenas da Biblia. O retablo de arenita ten o monograma do rei dinamarqués Cristián IV e foi realizado en 1634. O púlpito é do ano 1600 e é dos máis antigos de Gotland.[2][4]
Galería de imaxes[editar | editar a fonte]
Portal do coro
Vista dende o aire
Interior da igrexa
Notas[editar | editar a fonte]
- ↑ "Fröjel kyrka". Guteinfo. Consultado o 17 de xullo de 2018.
- ↑ 2,0 2,1 Lagerlöf, Erland (1973). Rabén & Sjögren, ed. Gotlands kyrkor. Uddevalla. pp. 143–144. ISBN 9129410355.
- ↑ Jonsson, Marita; Lindquist, Sven-Olof (1987). Vägen till kulturen på Gotland. Visby: Gotlands fornsal. p. 159. ISBN 91-971048-1-7.
- ↑ 4,0 4,1 Jonson, Christer (2017). Angels et dragons : Gotland's cultural treasures. Visby: Gotlands Museum. ISBN 9789188036988. OCLC 1077527198.
