Igrexa de Endre

Igrexa de Endre
Datos xerais
País	Suecia
Rexión	Gotland
Localización	Gothem
Coordenadas	57°36′37″N 18°27′55″L
Culto
Culto	Igrexa de Suecia
Diocese	Diocese de Visby
[ editar datos en Wikidata ]

A igrexa de Endre (sueco: Endre kyrka) é unha igrexa medieval luterana en Endre, na illa sueca de Gotland, pertencente á diocese de Visby.

Historia e arquitectura

A presente igrexa estivo precedida por unha anterior de estilo románico. Desa primeira igrexa só se conserva a torre, construída no século XII e elevada no XIV. Un feixe de esculturas de pedra tamén foron reusadas no actual edificio, como por exemplo unha escultura dun dragón e outra dun león, que agora se atopan no muro da fachada sur da igrexa. O resto do edificio data do século XIII (o coro e a sancristía) e de principios do XIV (a nave). A igrexa está construída con rocha calcaria.

Ademais das mencionadas esculturas románicas, o exterior da igrexa tamén está adornada con portais esculpidos, tanto de estilo románico como gótico.

Internamente a igrexa está decorada con frescos realizados polo artista coñecido como Passionsmästaren a mediados do século XV. Os frescos foron descubertos durante unha renovación en 1915. A igrexa tamén conserva varios paneis das vidreiras medievais. O retablo tamén é medieval, de finais do século XIV, ao iguual que o sagrario. A cruz triunfal data de ao redor do ano 1300, e a pía bautismal, posiblemente feita polo artista Hegvald, é unha peza románica do século XII ricamente decorada.

A igrexa atópase nun cemiterio que está rodeado por unha muralla baixa de pedra calcaria, na cal aínda sobrevive unha lychgate medieval.

Galería de imaxes

• 
  Interior da igrexa
• 
  Unha das vidreiras orixinais
• 
  Portal sur
• 
  Lychgate do cemiterio