Ostra

Na Galipedia, a Wikipedia en galego.
Ostra
Ostra
Ostra
Clasificación científica
Reino: Animalia
Filo: Mollusca
Clase: Bivalvia
Orde: Ostreoida
Suborde: Ostreina
Superfamilia: Ostreoidea
Familia: Ostreidae
Xénero: ''Ostrea''
Especies

O nome de ostra é usado para grupos diferente de moluscos que medran maiormente en augas mariñas. As ostras verdadeiras pertencen á orde Ostreoida, familia Ostreidae.

Algunhas subespecies son capaces de producir perlas no transcurso do tempo, que se forman a partir de partículas que se sedimentan na ostra. Existen diferentes tipos de perla dependendo do sedimento acumulado.

A ostra é un prato común na cociña litoral galega e doutros sitios da Europa Atlántica, onde se serven crúas cun pouco limón. Salientan Vigo e Arcade como vilas tradicionalmente ostreiras.

Etimoloxía[editar | editar a fonte]

O termo galego ostra provén do latín: ostrĕa, do galego-portugués pasou ao castelán co mesmo nome[1].

Características[editar | editar a fonte]

As ostras teñen un corpo brando, protexido dentro dunha cuncha altamente calcificada, pechada por fortes músculos adutores.

As ostras son moluscos filtradores, que succionan a auga co bater de cilios. O plancto e as partículas suspendidas do alimento quedan atrapadas no moco e son transportadas á boca para ser inxeridas e expulsadas como feces ou pseudofeces. A actividade de alimentación é maior nas ostras cando as temperaturas da auga están sobre 10°C. As ostras consomen as algas e outros alimentos que aboian, cada unha filtra ata cinco litros de auga por hora.

Un corazón pequeno con tres cámaras, debaixo do músculo abdutor, bombea sangue descolorido, coa súa fonte de osíxeno, a todas as partes do corpo. Ao mesmo tempo dous riles situados na superficie inferior do músculo purifican o sangue de calquera residuo que recollan.

As ostras teñen sexos separados, pero poden cambiar o sexo unha ou máis veces durante a súa vida. As gónadas, órganos responsábeis de produciren os ovos e o esperma, rodean os órganos dixestivos e están compostas polas células do sexo, polos túbulos de ramificación e de tecido fino conectivo. Non hai xeito de diferenciar as ostras masculinas das femininas examinando as súas cascas.

Galería de imaxes[editar | editar a fonte]

Commons
Commons ten máis contidos multimedia sobre: Ostra
Galizionario
Vexa a entrada do Galizionario acerca de ostra
  1. http://lema.rae.es/drae/?val=ostra Etimoloxía e definición do termo ostra no dicionario da RAE