Media distancia Renfe

Esquema Renfe Operadora para Media Distancia en serie 470.

Trenes Avant, Media Distancia de alta velocidade.

TRD (serie 594).

R-598.

Media Distancia +449.

Media Distancia +599.

Media Distancia Renfe é unha unidade de negocio e a denominación comercial dos servizos de traxectos medios de Renfe Operadora, empresa de ferrocarrís española.

Características

Son os trens comunmente coñecidos como Rexionais, que comunican puntos dunha mesma rexión entre si ou coa contigua. Algunhas liñas poden atravesar de forma puntual até tres comunidades autónomas.

Circulan servizos de Media Distancia por toda a rede ferroviaria española excepto tramos curtos que son exclusivos dalgunha liña de Proximidades Renfe e por algúns tramos de vías de ancho UIC e tramos de vía entre Salamanca e Fuentes de Oñoro.

A rede de Media Distancia está dividida en cinco zonas, e unha delas dividida en tres:

• Liñas A: Andalucía
• Liñas Ca: Cataluña
• Liñas G: Galicia
• Liñas L: Comunidade Valenciana e Rexión de Murcia
• Liñas R (Radiais desde Madrid), divididas en tres zonas:
  • Zona A: Comunidade de Madrid, Castela e León, Asturias e Cantabria.
  • Zona B: Comunidade de Madrid, Castela e León, A Rioxa, Navarra, País Vasco e Aragón.
  • Zona C: Comunidade de Madrid, Castela-A Mancha e Estremadura.

A parte destas liñas están os Avant, servizos de Media Distancia en liñas de Alta Velocidade.

Servizos existentes

• Avant: son trens de Media Distancia que cobren servizos nas liñas de Alta Velocidade, habendo tomado a substitución das anteriores Lanzadeiras AVE ou Iris, segundo dúas denominacións comerciais cronoloxicamente ordenadas. Realízanse con electrotréns da serie 104, aínda que está previsto empregar trens das futuras series 114 e 121.
• Rexional: son servizos que efectúan parada en todas ou case todas as estacións e apeadeiros do traxecto efectuado. Poden estar cadenciados con servizos de Proximidades Renfe (ex.: Madrid - Segovia), denominándose entón "Rexional cadenciado". No caso dos trens "Rexional cadenciado" empréganse unidades de tren pertencentes ao Parque de proximidade (440R, 446, 447 e ata trens de dous pisos das series 450 e 451), mentres que naqueles servizos que non se atopen cadenciados coa malla de proximidade, o material empregado case sempre corresponde ao Parque propio de Media Distancia, empregándose UT eléctricas da serie 432 en liñas electrificadas e unidades diésel das series 592 e 596 nas relacións non electrificadas.
• Rexional Exprés: son servizos cun menor número de paradas que o Rexional (máximo 3 paradas cada 100 km), o cal redunda nunha velocidade comercial maior e, polo tanto, uns tempos de viaxe sensiblemente máis reducidos que no caso dos trens tipo Rexional. En liñas electrificadas empréganse basicamente trens das series 470 ou 440R, mentres que nas liñas non electrificadas estes servizos cóbrense con unidades das series 592 e 592.200.
• Catalunya Exprés: son trens que circulan polas liñas de Media Distancia de Cataluña, cuxo servizo é atendido por trens das series 444 ou 448, efectuando paradas ao estilo rexional ou rexional exprés segundo a hora.
• Andalucía Exprés: son trens que circulan polas liñas de Media Distancia de Andalucía, cuxo servizo é atendido por trens das series 592 ou 596, efectuando paradas ao estilo rexional ou rexional exprés segundo a hora.
• TRD: tren rexional diésel, destinados a servizos rexionais de calidade en liñas non electrificadas. O seu confort e velocidade son superiores aos dos trens Rexional e Rexional Exprés, polo que a súa tarifa é lixeiramente máis elevada. Este servizo realízase de xeito exclusivo con unidades da serie 594.
• R-598: destinados a servizos rexionais de calidade en liñas non electrificadas. O seu confort e velocidade son superiores aos dos trens Rexional e Rexional Exprés, polo que a súa tarifa é lixeiramente máis elevada. Este servizo realízase de xeito exclusivo con unidades da serie 598.
• Media Distancia +: novos servizos de rexionais cubertos con material das novas series Media Distancia serie 499 e serie 599.

Liñas

Son moitas e un tren pode realizar unha combinación de varias liñas. O tráfico en cada unha é diferente, estando algunhas moi transitadas con máis de 10 trens diarios por sentido como as de Alta Velocidade, a R-1 e máis a A-1 e outras con moi poucos trens ó día como a A-5.

Liñas de Alta Velocidade con servizos de Media Distancia

• Madrid-Cidade Real-Puertollano: herdada das Lanzadeiras de Alta Velocidade que funciona dende 1992 cando se abriu a LAV Madrid-Sevilla.
• Madrid-Toledo: dende 2005
• Sevilla-Córdoba-Málaga: dende 2008. Son unha alternativa rápida á liña A-2 para un traxecto Córdoba-Sevilla, á A-3 para un traxecto Sevilla-Málaga e á A-4 para un traxecto Córdoba-Antequera.
• Madrid-Segovia-Valladolid.

Liñas R

Son as liñas que unen puntos do centro da Península Ibérica, divididas en tres grupos: A, B e C. Por elas, circulan os seguintes trens:

• Rexional (todas)
• Rexional Exprés (todas)
• R-598
• MD/MD+ 449 (R-8)
• MD/MD+ 599 (R-25 e R-41)

Os números das liñas R non son sempre consecutivos porque certas liñas que existían foron desmanteladas desaparecendo a súa numeración ou ben certos ocos son debidos ao cambio de denominación de certas liñas ao crear os grupos de liñas de Levante, Cataluña, Galicia e Andalucía con nomenclaturas diferentes.

Liñas A

Son as liñas de Media Distancia que unen diferentes cidades de Andalucía e puntualmente saen cara a Estremadura ou Castela-A Mancha. Por elas, circulan os seguintes tipos de trens:

• Rexional (A-7 e A-8)
• Rexional Exprés (A-5 e A-6)
• Andalucía Exprés (A-1 e A-2)
• R-598 (A-3)

Liñas Ca

Son as liñas de Media Distancia que unen diferentes cidades de Cataluña e puntualmente saen cara a Aragón ou a Comunidade Valenciana. Por elas, circulan os seguintes tipos de trens:

• Catalunya Exprés (Ca-1, Ca-2, Ca-3, Ca-4 e Ca-6)
• Rexional (Ca-1, Ca-2, Ca-3 e Ca-4)
• Rexional Exprés (Ca-1, Ca-3, Ca-4 e Ca-6)
• MD/MD+ 449 (Ca-2)

Liñas G

Son as liñas de Media Distancia que unen diferentes cidades de Galicia e poden saír puntualmente a Castela e León e Portugal. Por elas, circulan os siguientes tipos de trenes:

• Rexional (592) (todas)
• Rexional (596) (G-4)
• R-598 (G-1 e G-4)
• MD/MD+ 599 (G-1)
• MD/MD+ 449 (G-3)
• Rexional (440R) (G-3)

Liñas L

Son as liñas de Media Distancia que unen cidades da costa de levante (Comunidade Valenciana e Rexión de Murcia) entre si e con algunhas de Castela-A Mancha ou Aragón. Por elas, circulan os seguintes tipos de trens:

• Rexional Exprés (592) (L-1, L-2, L-3 e L-5)
• Rexional (596) (L-1, L-2 e L-3)
• TRD (594) (L-6)
• MD/MD+ 599 (L-6)

Véxase tamén

Outros artigos

• Renfe Operadora

Ligazóns externas

• Páxina web de Renfe Operadora (en castelán).