Logroño
Coordenadas: 42°27′55″N 2°27′0″W / 42.46528°N 2.45°W
| Logroño | |
|---|---|
 |
 |
 |
|
| Situación xeográfica | |
 |
|
| Estado: |  España |
| Comunidade Autónoma: | .svg){kind=small} A Rioxa |
| Provincia: | A Rioxa |
| Comarca: | Logroño |
| Xeografía | |
| Altitude: | 391 msnm |
| Superficie: | 79,55 km² |
| Poboación | |
| Poboación total: | 152.650 hab. (INE 2008) |
| Densidade de poboación: | 1.918,92 hab./km² |
| Xentilicio: | logroñés, lucroniense |
| Información | |
| Código postal: | 26001 - 26009 |
| Alcalde: | Concepción Gamarra (PP) |
| Sitio na web: | www.logroño.org |
Logroño é unha cidade e concello español do norte de España, capital da comunidade autónoma e provincia da Rioxa. Tamén é a súa localidade de maior poboación, concentrando case a metade do total da comunidade, así como o seu centro económico, cultural e de servizos.
Bañada polo río Ebro, Logroño foi historicamente un lugar de paso e cruzamento de camiños, como o Camiño de Santiago, e de fronteiras, disputada entre os antigos reinos da Península Ibérica durante a Idade Media. No último século, a cidade experimentou un crecemento demográfico lento pero significativo respecto das poboacións próximas, provocado principalmente polos movementos migratorios desde outras comarcas da rexión.
Índice |
Situación xeográfica [editar]
O concello de Logroño está situado no norte da Rioxa Media, limitando cos municipios de Fuenmayor, Navarrete, Lardero, Villamediana de Iregua, Murillo de Río Leza e Agoncillo na Rioxa; Laguardia, Lanciego e Oyón en Álava e Viana en Navarra.
A maior parte da superficie municipal e do núcleo urbano asenta na marxe dereita do río Ebro. A súa altitude, tomada no céntrico paseo do Espolón, é de 386 m sobre o nivel do mar. O punto máis alto da localidade, as Coronillas, está a 565 metros de altura.
Historia [editar]
Logroño foi poboada no ano 905 por Sancho Abarca, rei de Navarra, para garantir o paso do Ebro e o acceso ás terras tomadas aos musulmáns logo da batalla de Clavijo, instalándose novas xentes na beira dereita do río. En 1044, na "Rúa Vieja", arteria principal da localidade, ergueuse un pazo dos monarcas navarros.
En 1095, o rei de León, Afonso VI, apoderouse da Rioxa, e consolida a súa conquista concedendo a Logroño unha carta foral, que garantía a libre circulación pola ponte, o que asegura a prosperidade económica da cidade. O dito foro constituíse en modelo para moitos outros posteriores.
No século XIII, a urbe, que conta con varios hospitais, arrodéase de fortificacións. O seu castelo foi derrocado no século XVII.
Desde época medieval Logroño foi unha das etapas do Camiño de Santiago. Os peregrinos atravesaban Logroño pola "Rúa Vieja", onde unha vella mansión do século XVIII foi habilitada polo concello como refuxio dos peregrinos modernos.
Lugares de interese [editar]
- Con-Catedral de Santa María de la Redonda
- Igrexa de San Bartolomé
- Igrexa de Santiago
- Igrexa de Palacio
- Museo de La Rioja
- Parlamento de La Rioja, localizado na antiga factoría de Tabacalera.
- Muralla del Revellín
- Fonte da Gran Vía con representación de reis que estiveron vencellados a Logroño ou A Rioxa.
Personalidades da cidade [editar]
- Navarrete "El Mudo", pintor do século XVI,
- Marqués de la Ensenada, estadista e ilustrado do século XVIII,
- Baldomero Espartero, militar, rexente e xefe de goberno de España, no século XIX,
- Manuel Bretón de los Herreros, escritor,
- Fausto Elhúyar,
- Práxedes Mateo Sagasta, presidente do goberno español durante a Restauración,
- Rafael Azcona, guionista cinematográfico,
- Ramón Castroviejo,
|
|||||||
