Estación de Passeig de Gràcia

Na Galipedia, a Wikipedia en galego.
BSicon exTRAIN2.svg
Passeig de Gràcia
BSicon exTRAIN2.svg
Barcelona-PaseodeGracia 08-01-09.jpg
Interior da estación de Adif
Concello Barcelona
Servizos Accesible PMR
Liñas
Media distancia R11 R13 R14 R15 R16 Ca6
Cercanías R2 R2 nord R2 sud
Outros transportes
BSicon CLRV.svg
Metro
Logometrobcn.svg L2.gif L3.gif L4.gif
BSicon CLRV.svg
Bus
Madrid-MetroEMT.PNG 7, 16, 17, 22, 24, 28, 50, 54, 56, 62, A1 (Aerobús), N1, N2, N3, N4, N5, N6, N7, N9, N11
Outros Bicing
Na rede

Passeig de Gràcia é un intercambiador de metro e ferrocarril da cidade de Barcelona, situado baixo o paseo de Gràcia, entre a Gran Via de les Corts Catalanes e a rúa Aragó. É o punto de enlace das liñas L2, L3 e L4 do metro de Barcelona, a liña R2 de Proximidades Renfe e seis liñas de Media Distancia.

Historia[editar | editar a fonte]

Estación de Adif[editar | editar a fonte]

O apeadeiro de Passeig de Gràcia foi construído en 1902, aínda que naquel momento os trens circulaban ao aire libre a través dunha longa trincheira por toda a rúa Aragó, enlazando as liñas de Tarragona e Xirona, inaugurada en 1882. Entre 1954 e 1959 cubriuse e transformouse na estación que aínda existe actualmente.

Estacións do metro de Barcelona[editar | editar a fonte]

A historia da estación de metro remóntase a 1924, cando se inaugura a primeira liña do Metro de Barcelona, o Gran Metro, a que actualmente é a L3. A estación abriu co nome de Aragón por estar situada preto da intersección do paseo de Gràcia coa rúa Aragó.

En 1926 abriuse o ramal do Gran Metro que se dirixía cara á actual estación de Jaume I, primeiro tramo da actual L4 que partía desde a estación de Aragón cun ramal.

En 1972 pechouse o ramal da entón liña III e reabriuse un ano máis tarde como unha nova liña separada con novas plataformas e cambiando o nome da estación polo de Aragón-Gran Vía.

En 1982, coa reorganización dos números de liñas e cambios de nome de estacións, adoptou o nome actual.

Finalmente, en 1995 abriuse a estación da L2 quedando a configuración da estación como está actualmente.

Instalacións e servizos ferroviarios[editar | editar a fonte]

Estacións do metro[editar | editar a fonte]

A estación podémola diferenzar en dúas partes, a parada da liña L3 situada xunto á estación de Adif e a 250 metros das estacións das liñas L2 e L4, que están a moi pouca distancia e comparten accesos.

A parada da L3 está baixo o paseo de Gràcia, entre as rúas Consell de Cent e Aragó e ten un vestíbulo en cada extremo. Do de Consell de Cent sae un longo corredor de 250 metros que enlaza coas estacións das liñas L2 e L4. Do de Aragó pódese enlazar directamente co vestíbulo da estación de Adif de Barcelona-Passeig de Gràcia.

A parada da L4 está situada baixo o paseo de Gràcia, entre a Gran Vía e a rúa Diputació e dispón dun só vestíbulo situado na parte sur da estación. Este vestíbulo ten un acceso desde a Gran Vía, esquina co paseo de Gràcia. Ademais comparte acceso coa L2.

Finalmente, a parada da L2 está baixo a Gran Vía no cruzamento co paseo de Gràcia. A estación dispón de dous accesos, un por Gran Vía con Rambla Catalunya e outro por Gran Vía con Pau Claris, compartido coa L4.

Orixe/destino << Liña >> Destino/orixe
Paral·lel Universitat L2 Tetuan Badalona Pompeu Fabra
Zona Universitària Catalunya L3 Diagonal Trinitat Nova
Trinitat Nova Girona L4 Urquinaona La Pau


Estación de Adif[editar | editar a fonte]

A estación actual de Passeig de Gràcia dispón de catro accesos desde a rúa, un en cada cruzamento do Paseo de Gràcia coa rúa Aragó. Todos estes conflúen nun vestíbulo que tamén dispón de acceso directo á liña L3 do metro de Barcelona. O vestíbulo da estación dispón de taquillas, máquinas de venda automática de billetes e quiosco. Por un nivel inferior circulan os trens, formado por dúas vías con plataformas laterais que dispoñen de bar-cafetería cada unha delas. O acceso ao nivel inferior desde o vestíbulo, realízase a través de escaleiras fixas. Ademais, o acceso á vía 2 ten un acceso directo desde o corredor de enlace co metro.

No cruzamento coa rúa Pau Claris hai outro vestíbulo de dimensións reducidas con dous accesos desde a rúa. O enlace cos dúas plataformas realízase a través de escaleiras, aínda que de cada plataforma hai unha escaleira mecánica de saída que sobe ata o nivel da rúa directamente. En Roger de Llúria hai unha saída de urxencia da estación, unha para cada unha das plataformas.

Orixe/destino << Liña >> Destino/orixe
Rodalies de Catalunya de Renfe
Castelldefels Sants R2 El Clot-Aragó Granollers Centre
Aeroport
Sants
R2 nord Sant Celoni
Maçanet-Massanes
Sant Vicenç de Calders
Vilanova i la Geltrú
R2 sud Estación de França Estación de França
Media Distancia
Barcelona-Sants Barcelona-Sants R11 Barcelona-El Clot-Aragó Xirona
Figueres
Portbou / Cerbère
Lleida-Pirineus R13 R14 Barcelona-Estació de França Barcelona-Estació de França
Reus
Móra la Nova
Flix
Riba-roja d'Ebre
R15
Cambrils
Tortosa
Vinaròs
València-Nord
R16
Caspe
Zaragoza-Delicias
Ca6


Accesos[editar | editar a fonte]

Galería de imaxes[editar | editar a fonte]

Véxase tamén[editar | editar a fonte]