Proximidades Renfe
Proximidades Renfe é a denominación comercial do servizo de treitos curtos de Renfe Operadora, empresa de servizos ferroviarios española. En Barcelona e Valencia este servizo recibe a denominación de Rodalies Renfe e Rodalia Renfe respectivamente, en Biscaia e Guipúscoa Renfe Aldirikoak, e no resto do territorio español, Renfe Cercanías, sendo este último o nome oficial. Ningunha liña de Proximidades Renfe está presente en Galicia, aínda que hai unha en proxecto entre A Coruña e Ferrol.
As liñas de Proximidades Renfe operan nas principais cidades de España e son un dos medios de transporte fundamentais para comunicar as grandes cidades coas súas correspondentes áreas metropolitanas ou con concellos situados a non máis de 60 km. Normalmente o seu ámbito restrínxese á provincia, aínda que en ocasións exceden os límites da provincia. Cabe citar 5 casos onde non se cumpre esta premisa:
- Proximidades Madrid: Azuqueca e Guadalaxara están na provincia de Guadalaxara.
- Proximidades Barcelona (Rodalies de Catalunya): as estacións de Blanes, Tordera, Riells i Viabrea-Breda, Hostalric e Maçanet-Massanes están na provincia de Xirona e Cunit, Segur de Calafell, Calafell, L'Arboç, El Vendrell e Sant Vicenç de Calders están na provincia de Tarragona.
- Proximidades Valencia: parte da liña 6 discorre pola provincia de Castelló.
- Proximidades Murcia/Alacant: discorre por tres provincias, Alacant, Murcia e Almería.
- Proximidades Renfe Bilbao: as estacións de Areta, Llodio, Santa Cruz de Llodio, Luiaondo, Salbio, Amurrio e Iñarratxu, todas elas na liña 3, encóntranse na provincia de Álava.
É explotada en forma de metro interurbano, pero en algunhas cidades como Madrid, Barcelona, Valencia ou Sevilla, existen e están proxectadas liñas integramente urbanas, como a liña C-4 de Proximidades Sevilla.
Desde o 1 de xaneiro de 2010 a Generalitat de Catalunya xestiona o servizo de Proximidades Renfe en Cataluña.[1]
Índice |
Redes [editar]
Na actualidade existen os seguintes núcleos de Proximidades:
- Artigo principal: Proximidades Asturias.
- Artigo principal: Proximidades Barcelona.
- Artigo principal: Proximidades Renfe Bilbao.
- Artigo principal: Proximidades Cádiz.
- Artigo principal: Proximidades Madrid.
- Artigo principal: Proximidades Málaga.
- Artigo principal: Proximidades Murcia/Alacant.
- Artigo principal: Proximidades Santander.
- Artigo principal: Proximidades Renfe San Sebastián.
- Artigo principal: Proximidades Sevilla.
- Artigo principal: Proximidades Valencia.
- Artigo principal: Proximidades Zaragoza.
Material móbil [editar]
Nos servizos de Proximidades Renfe empréganse as seguintes series:
| Serie | Núcleo(s) onde circula | Imaxe |
|---|---|---|
| 440R | Asturias Santander |
 |
| 442 | Madrid |  |
| 446 | Bilbao Madrid Málaga San Sebastián Santander |
 |
| 447 | Barcelona Madrid Murcia/Alacant Valencia |
 |
| 450 | Barcelona Madrid |
 |
| 451 | Barcelona | |
| 592 | Murcia/Alacant Sevilla Valencia |
 |
| Civia | Asturias Barcelona Cádiz Madrid Málaga Santander Sevilla Valencia Zaragoza |
 |
En construción [editar]
Tras a aprobación do Plan de Transporte de Viaxeiros 2008-2012 por parte da Generalitat de Catalunya, crearanse as redes seguintes[2]:
- Proximidades Lleida: 3 liñas aproveitando a infraestrutura existente.
- Proximidades Tarragona: 4 liñas aproveitando a infraestrutura existente, unha xa existe a nivel tarifario, Tarragona-La Plana.
- Proximidades Xirona: 2 liñas aproveitando a infraestrutura existente.
Proxectos [editar]
- Proximidades Valladolid: 2 liñas aproveitando a infraestructura existente, rehabilitando parte da liña de ferrocarril Valladolid-Ariza.
- A Coruña-Ferrol: está en proxecto un servizo de proximidades directo, sen paradas intermedias.
