Alxeciras

Na Galipedia, a Wikipedia en galego.

Coordenadas: 36°08′N 05°27′W / 36.133°N 5.450°W / 36.133; -5.450

Alxeciras
Flag maritime algeciras.svg AlgecirasEscudo.png
Praza Alta
Torre Espolón Río Miel Pedestal da Deusa Diana
Arcos da Bajadilla Praia do Rinconcillo
Situación xeográfica
Alxeciras en España
Alxeciras
Alxeciras
Alxeciras en Provincia de Cádiz
Alxeciras
Alxeciras
País España España
Comunidade Autónoma Andalucía
Provincia Cádiz
Comarca Campo de Xibraltar
Xeografía
Altitude 20 (máx. 785) msnm
Superficie 86 km²
Poboación
Poboación 116.209 hab. (2009)
Densidade 1.351,27 hab./km²
Xentilicio Alxecireño, ña
Información
Código postal 11200-11209
Alcalde José Ignacio Landaluce Calleja (PP)
Páxina web www.algeciras.es
Porto de Alxeciras.

Alxeciras[1] (en castelán e oficialmente,: Algeciras) é unha cidade e municipio do sur de España, situado no Campo de Xibraltar, provincia de Cádiz, Andalucía.

Está situada na baía de Alxeciras, un enclave xeográfico estratéxico por acharse no estreito de Xibraltar, lugar de contacto entre o mar Mediterráneo e o océano Atlántico. Esta situación fixo que posea o porto marítimo con maior tránsito de persoas e mercancías entre Europa e África, concretamente entre España e Marrocos[2].

Alxeciras con 115.333 habitantes é o duodécimo municipio de Andalucía e o terceiro da provincia en termos poboacionais, tras Xerez da Fronteira e Cádiz respectivamente, aínda que as tendencias demográficas do padrón indican que avantaxará á capital provincial ao redor de 2013.[3]

Toponimia[editar | editar a fonte]

Imaxe satélite da Cidade de Alxeciras.

O nome Algeciras procede do árabe الجزيرة الخضراء Al-Yazira al-Jadrā', "a illa verde", pola illa que se encontraba na súa costa antes de ser anexionada polo porto.[4] Tamén podería proceder de الجزائر Al-Yazā'ir ("as illas"). Este nome naceu no ano 711 cos primeiros musulmáns que chegaron á Península Ibérica. Anteriormente, na época romana a cidade situada no que actualmente é o centro da cidade denominouse Iulia Traducta, nome que fai referencia a que foi poboada por disidentes ao imperio romano procedentes de Tánxer. Aparece designada tamén como Tingentera, interpretada como Tingis altera ou "a outra Tingis", e como Iulia Ioza en púnico.[5]

O xentilicio é "alxecireño-a". Como outras cidades da zona (La Línea, Xibraltar, Ceuta, etc.) os seus cidadáns teñen un xentilicio particular popular, así aos alxecireños chámanselle "especiales", segundo pode ser, porque na zona dábase no pasado un viño chamado Especial.

Demografía[editar | editar a fonte]

Evolución demográfica
1920 1930 1940 1950 1960 1970 1981 1991 2000 2008
19.417 21.431 25.671 52.732 66.317 81.662 86.042 101.556 104.087 115.333

Economía[editar | editar a fonte]

Alxeciras é o motor comercial da comarca. As súas industrias principais son a petroquímica e a pesca. O porto de Alxeciras é o máis importante de España en tráfico total de mercadorías, cun movemento total de 74,8 millóns de toneladas en 2008.[6]

Lugares de interese[editar | editar a fonte]

Praza Alta de Alxeciras e igrexa da Palma

Arqueoloxía[editar | editar a fonte]

  • Fornos Romanos de El Rinconcillo
  • Factoría de salgaduras da rúa San Nicolás (s.I)
  • Restos da Mezquita Aljama (s.VIII)
  • Parque Arqueolóxico das Murallas Meriníes (s.XIII)

Arquitectura civil[editar | editar a fonte]

  • Praza Alta de Alxeciras
  • Praza Juan de Lima
  • Vila Vella de Alxeciras
  • Acueduto de Alxeciras
  • Mercado de abastos de Alxeciras
  • Escola de arte

Arquitectura relixiosa[editar | editar a fonte]

  • Capela de Nosa Señora de Europa
  • Igrexa de Nosa Señora da Palma
  • Capela da Caridade
  • Capela do Santo Cristo da Alameda

Zonas verdes[editar | editar a fonte]

  • Parque María Cristina
  • Parque das Acacias
  • Parque do Saladillo
  • Parque do Centenario

Cultura[editar | editar a fonte]

  • Museo municipal de Alxeciras
  • Museo de Arte Sacra
  • Teatro Florida
  • Fundación Municipal de Cultura José Luis Cano

Notas[editar | editar a fonte]

Véxase tamén[editar | editar a fonte]


Ligazóns externas[editar | editar a fonte]

Commons
Commons ten máis contidos multimedia sobre: Alxeciras