Cáceres
| Cáceres | |
|---|---|
 |
 |
| Situación xeográfica | |
 |
|
| Estado: |  España |
| Comunidade Autónoma: |  Estremadura |
| Provincia: | Cáceres |
| Comarca: | Llanos de Cáceres |
| Xeografía | |
| Altitude: | 459 msnm |
| Superficie: | 1.750,33 km² |
| Poboación | |
| Poboación total: | 92.187 hab. (2006) |
| Densidade de poboación: | 52,67 hab./km² |
| Xentilicio: | Cacereño |
| Información | |
| Código postal: | 10001 - 10005 |
| Alcalde: | Elena Nevado del Campo (PP) |
| Sitio na web: | www.ayto-caceres.es |
Cáceres é unha cidade estremeña, de 91.606 habitantes (2007) que viven nunha superficie municipal de 1.768 km², sendo o concello máis extenso de España. É a capital da província homónima, cuxa poboación concentra o 21'45% do total populacional provincial.
A cidade vella de Cáceres foi declarada Terceiro Conxunto Monumental de Europa en 1968, e Patrimonio da Humanidade pola UNESCO en 1986.
Índice |
[editar] Economía
É o principal centro comercial, administrativo e eixo económico da provincia e o primeiro centro turístico de Extremadura. A súa economía está baseada principalmente no sector terciario (servizos), no turismo e na construción, con unha pequema aportación do sector industrial, que se centra en industrias alimentares, téxteis, cerámicas e produtos derivados do cauchú.
[editar] Historia
A máis remota presenza humana no territorio do que hoxe é Càceres, remonta á Prehioria. Na área de El Calerizo existen diversas covas (Maltravieso, El Conejar), nas que atoparan vestixios pictóricos de mans humanas. Actualmente atopouse unha prolongación das covas.
No século I a.C. os romanos asentaron aquí o campamento de Castra Cecilia de maneira permanente, no entorno do outeiro en que se situaría a colonia Norba Caesarina, moi cerca da importante vía de comunicacións que, máis tarde, sería coñecida como a Vía da Prata. Cara o século V d.C., os visigodos arrasan o asentamento, de xeito que ata o século VIII-IX non se sabe nada da cidade.
Serán musulmáns, procedentes do Norte de África, os que aproveitarán o lugar estratéxico sobre o que se asentara a primitiva colonia romana, para utilizala como base militar para loitar contra os reinos cristiáns do Norte, durante os primeiros séculos da conquista cristiá. O nome árabe da cidade é aínda incerto, manexándose varias posibilidades, entre elas as de Hizn Qazrix ou Al Qazrix, das que probabelmente provén a denominación actual da cidade (Nieto Ballester defende que procede do ablativo plural Castris > Cazres, e posterior epéntese dun -e-).
No século XII, ante o avanzo cristián, a cidade é fortificada cunha muralla de ladrillo, (que aínda se conserva), mais non foi de abondo para evitar que Afonso IX de León a tomase, logo de varios anos de asedio, o 23 de abril de 1229, dia de San Xorxe, que desde entón é celebrado pola cidade como o seu padroeiro.
A partir deste momento, Cáceres comeza a transformase, construíndo igrexas no mesmo sitio onde se levantaran mesquitas, e pazos cristiáns sobre os primitivos pazos musulmáns. Porén serán as fortunas procedentes de América as que farán aumentar a monumentalidade da cidade. Con lixeiros retoques a fins do XVIII, esa versión urbana é a que chegou ata os nosos días. Por iso se trata dunha das cidades monumentais mellor conservadas do mundo.
[editar] Conxunto Monumental
Ademais de Patrimonio da Humanidade, Cáceres é tamén membro das Redes Caminos de Sefarad, da Ruta da Prata, sendo elixida pola Comunidade Autónoma como Capital Cultural de Extremadura Enclave 92, e co esforzo solidario das administracións públicas, empresas privadas, entidades oficiais e cidadáns particulares, aspira a ser Capital Europea da Cultura no ano 2016.
Entre outros monumentos e lugares salientábeis podemos destacar:
[editar] Igrexas
- Concatedral de Santa María de Cáceres
- Igrexa de San Francisco Javier
- Igrexa de San Mateo
- Igrexa de Santiago
- Igrexa de San Juan Bautista
- Ermida da Paz
[editar] Pazos e casas nobres
- Pazo de Toledo-Moctezuma
- Pazo Episcopal
- Pazo dos Golfines de Abajo
- Pazo dos Golfines de Arriba
- Pazo de Carvajal
- Pazo das Cigüeñas
- Pazo das Veletas
- Casa do Sol de Cáceres
[editar] Arcos e portas de entrada da cidade
[editar] Torres defensivas
- Torre de Sande
- Torre de Bujaco
- Torre dos Púlpitos
[editar] Lugares salientábeis
- Praza Maior
- Foro dos Balbos
- Praza de San Jorge
- Barrio Xudeu
- Fragmento de muralla romana (Praza do Socorro)
[editar] Museos
- Museo de Cáceres (Plaza de las Veletas)
- Centro de Interpretación do Cáceres Vello (estrada de Torrejón el Rubio, salida Polígono Ganadero, La Mejostilla)
- Museo de Historia e Cultura "Casa Pedrilla" (Ronda de San Francisco)
- Museo Municipal "Massa Solís" (Palacio de la Isla, Plaza de la Concepción)
- Museo "Casa del Mono" (C/ Cuesta Aldana)
- Casa Museo "Guayasamín" (Ronda de San Francisco)
- Casa e colección "Yusuf Al Burch" (C/ Cuesta del Marqués)
