Cuenca, España
| Cuenca, España | |
|---|---|
 |
 |
| Situación xeográfica | |
 |
|
| Estado: |  España |
| Comunidade Autónoma: |  Castela-A Mancha |
| Provincia: | Cuenca |
| Comarca: | Serranía Media |
| Xeografía | |
| Altitude: | 686 msnm |
| Superficie: | 911,06 km² |
| Poboación | |
| Poboación total: | 56.189 hab. (2010) |
| Densidade de poboación: | 61,67 hab./km² |
| Xentilicio: | conquense |
| Información | |
| Código postal: | 16000 |
| Alcalde: | Francisco Javier Pulido (PP) |
| Sitio na web: | www.cuenca.es |
- Para outras páxinas con títulos homónimos véxase: Cuenca.
Cuenca é unha cidade de España, pertencente á comunidade autónoma de Castela-A Mancha. É a capital da provincia de Cuenca e está situada na confluencia dos ríos Xúcar e Huécar, que forman profundos cañóns. En 2008 a súa poboación era de 54.600 habitantes, sendo a sexta cidade de Castela-A Mancha.
Índice |
[editar] Xeografía
[editar] Localización
A cidade divídese en dúas zonas ben diferenciadas: a cidade antiga, situada sobre un cerro rochoso bordeado polas fouces do río Xúcar ao Norte e o seu afluente o río Huécar ao sur, desembocando este último no primeiro na parte baixa da cidade antiga, pouco antes do chamado Ponte de San Antón. Ao Oeste e Sur da cidade antiga, e separada polo río Huécar, esténdese a cidade nova en dirección Norte-Sur. A altitude da cidade oscila entre os 920 metros da cidade nova e os pouco máis de 1.000 da parte máis alta da cidade antiga.
[editar] Climatoloxía
.PNG)
O clima de Cuenca é mediterráneo continental, con temperaturas frías no inverno e suaves no verán, cunha importante oscilación térmica diaria durante todo o ano, máis acusada nos meses de máis calor. As precipitacións son máis abundantes que na súa contorna debida á orografía montañosa da Serranía de Cuenca, polo que se superan os 500 mm. presentando un mínimo de choivas nos meses de verán.
| 1971?2000 | xan | feb | mar | abr | mai | xuñ | xul | ago | set | out | nov | dec | TOTAL |
|---|---|---|---|---|---|---|---|---|---|---|---|---|---|
| Temp. máxima (°C) | 9,4 | 11,4 | 14,2 | 15,7 | 20,1 | 25,9 | 30,7 | 30,3 | 25,5 | 18,6 | 13,1 | 10,0 | 18,8 |
| Temp. mínima (°C) | -0,7 | 0,2 | 1,7 | 3,9 | 7,6 | 11,7 | 14,7 | 14,8 | 11,3 | 6,8 | 2,7 | 0,7 | 6,3 |
| Precipitacións (mm) | 45 | 41 | 32 | 56 | 60 | 44 | 15 | 17 | 37 | 53 | 49 | 58 | 507 |
As marcas de temperatura rexistrados no Observatorio de Cuenca son os 39,6° do 30 de xullo de 1981 e os -17,8° do 3 de xaneiro de 1971.
[editar] Historia
Non se coñece con precisión a orixe histórica da cidade. No século IX d.C., existía unha fortaleza árabe, denominada Conca, e dependente do emirato de Valencia, xa na época dos reinos taifas, e que, posteriormente pasou ao poder do rei sevillano Al-Maramit. Logo caíu dentro do dominio almorábide. Foi tomada por Afonso VIII en 1177. Foi Afonso X « o Sabio » quen concedeu o título de cidade a Cuenca.
Durante a Guerra de Independencia española foi asediada e saqueda polas tropas francesas; sorte que tamén correu durante a Terceira Guerra Carlista en 1874.
[editar] Lugares de interese
A parte amurallada de Cuenca foi declarada Patrimonio da Humanidade pola UNESCO. Cabe destacar entre os monumentos desta cidade:
- Catedral,
- Casas Colgadas, nunha das súas casas ten a súa sede o Museo de Arte Abstracta Española
- Ermida da Virxe das Angustias,
- a ponte de San Pablo desde onde se poden ollar ben as Casas Colgadas,
Entre os varios edificios relixiosos pódense salientar: o Seminario - a igrexa de San Pedro - ruínas da Igrexa de San Pantaleón - ruínas do castelo co Arco de Bezudo - Convento de San Pablo, hoxe Parador nacional - igrexa de Santa Cruz - igrexa de San Felipe Neri - igrexa de San Andrés - igrexa do Salvador - igrexa de San Antón - igrexa de San Nicolás.
[editar] Festas
- Festas de San Mateo, do 18 ao 21 de setembro (declarada de interese turístico rexional). Son as festas que rememoran a conquista de Cuenca por Afonso VIII de Castela. Nestes días as penas enchen as rúas de casco antigo da cidade de colorido, música e a tradicional "zurra", unha bebida feita a base de viño, froitas e outros segredos. Tamén corren vaquillas na Praza Maior.
- Semana Santa de Cuenca[2][3], declarada de Interese Turístico Internacional.
- Feira e festas de San Xián, a finais de agosto.
