Figueres
| Figueres | |
|---|---|
 |
 |
| Situación xeográfica | |
 |
|
| Estado: |  España |
| Comunidade autónoma: |  Cataluña |
| Provincia: | Xirona |
| Comarca: | Alt Empordà |
| Xeografía | |
| Altitude: | 40 msnm |
| Superficie: | 19,31 km² |
| Poboación | |
| Poboación total: | 44.255 hab. (2010) |
| Densidade de poboación: | 2.291,82 hab./km² |
| Xentilicio: | Figuerenc/a |
| Información | |
| Código postal: | 17600 |
| Alcalde: | Santi Vila (CiU) |
| Sitio na web: | www.figueres.cat |
Figueres é a capital da comarca do Alt Empordà, en Xirona. En 2006 vivían no seu concello 39.641 habitantes.
Índice |
Xeografía [editar]
Está situada a 39 m sobre o nivel do mar, na chaira altempordanesa, nas proximidades dos Pireneos e da fronteira con Francia. A 36 km da capital provincial, Xirona; a 136 de Barcelona e a 65 de Perpignan, en Francia.
Historia breve [editar]
O nome actual deriva do latín ficarias "figueiras", que era indicado como Ficaris no latín deturpado da Alta Idade Media. O conde de Ampurias, Hugo IV, incendiou a vila, e anos máis tarde o rei Xaime I de Aragón, concedeulle unha carta foral en 1267. Dada a súa proximidade á fronteira francesa a vila foi fortificada, xogando un importante papel como praza forte durante a Idade Moderna e nos anos iniciais do século XIX. De feito o castelo de Sant Ferran foi mandado construír polo rei Filipe V, que encargou as trazas ao célebre enxeñeiro francés Vauban.
Arte e arquitectura [editar]
Da antiga muralla apenas fica a torre Gorgot, integrada hoxe no Teatro-Museo Dalí. Deben salientarse ademais os monumentos seguintes:
- O castelo de Sant Ferran (castelo de san Fernando).
- A igrexa de Sant Pere (igrexa de san Pedro).
- O Teatro-Museo Dalí.
- O Museu del Joguet de Cataluña (museo dos xoguetes), que como o seu nome indica está dedicado a xoguetes.
Tradicións e cultura [editar]
Figueres está considerado como o berce da sardana. As festas de Figueres son as da Santa Cruz, celebradas cada 3 de maio. O 29 de xuño celebra a festa do patrón, san Pedro.
Figuerenses destacados [editar]
Algúns figuerenses salientes, de orixe ou de adopción, son:
- Cresques Elies (século XIV), de orixe xudía, médico de Pedro III o Cerimonioso.
- Narcís Monturiol i Estarriol (1819-1885), enxeñeiro, político e inventor do submarino Ictineu
- Salvador Dalí Domènech (1904–1989), pintor surrealista e escritor.
- Mónica Naranjo Carrasco (1974-), cantante.
- Pep Subirós (1947), filósofo e escritor.
- Pere Portabella i Ràfols (1929-), director de cine.
- José María López Sanfeliu (1952), músico coñecido como Kiko Veneno
- Joaquim Xirau i Palau (1895 - Mèxico, 1946), filósofo.
