Balaguer

Na Galipedia, a wikipedia en galego.

Balaguer é un municipio español da provincia de Lleida en Cataluña. É a capital da comarca de La Noguera e do partido xudicial de Balaguer. A poboación en 2006 era de 15.769 habitantes, sendo o terceiro municipio da provincia logo da cidade de Tàrrega e a capital, Lleida, da que dista uns 25 km. A cidade é un importante centro hortícola e industrial para a provincia. A cidade está comunicada mediante as estradas C-12, C-13, C-26 e C-53 e a liña de ferrocarril de Lleida-La Pobla de Segur.

A cidade atópase no val do río Segre, río que pasa pola poboación e ao que verte as súas augas o río Sió xusto antes de chegar Balaguer. A poboación limita ao norte con Gerb, que pertence a Os de Balaguer; ao nordés con Camarasa; ao leste con La Sentiu de Sió; ao sueste con Vallfogona de Balaguer; ao sur con Térmens; ao suroeste con Menarguéns; e ao noroeste con Castelló de Farfanya.