Racing Club de Ferrol

Racing de Ferrol
Nome	Racing Club de Ferrol, S.A.D.
Alcume(s)	Diaños verdes
Fundación	1919
Estadio	A Malata, Ferrol, Galicia
Inauguración	1993
Capacidade	12.042
Presidente	José María Criado Labajo
Adestrador	Cristóbal Parralo
Liga	Primeira RFEF – Grupo 1
2021–22	3º
Vestimenta	Lotto
Patrocinador	Estrella Galicia
Na rede
http://www.racingclubferrol.net/
Titular Alternativo

O Racing Club de Ferrol, S.A.D. é un club de fútbol da cidade de Ferrol (A Coruña), fundado no 1919 pola fusión do Racing Club e o Club Ferrol, dous dos equipos da cidade nesa época. Xoga actualmente no grupo I da Primeira División RFEF tras conseguir o pase na tempada 2020-21.

Entre os seus maiores logros conta con tres campionatos galegos, un subcampionato da Copa do Rei en 1939, e un segundo posto na Segunda División en 1940. É o club que máis tempadas militou na Segunda División sen ter nunca ascendido a Primeira (34).

Nomes do club

• Racing Ferrol Foot-ball Club (1919–1941)
• Club Ferrol (1941–1972)
• Racing Club de Ferrol (1972–2001)
• Racing Club de Ferrol, S.A.D. (2001–presente)

Historia

Inicios do equipo

Racing de Ferrol 1919-1920.

Aínda que as primeiras noticias futbolísticas en Ferrol están datadas en novembro de 1892 e os primeiros clubs da cidade non se crearon até o verán de 1904, o Racing non viu a luz até a segunda metade do ano 1919. Foi por iniciativa de Manuel Fernández, coñecido como Cancela, un futbolista que quixo unir aos mellores xogadores dos distintos cadros da cidade para formar un club competitivo. Así, o 5 de outubro de 1919 fundouse o Racing Ferrol Foot-ball Club, pola fusión do Racing Club (formado no mes de xullo pola fusión do Jaime I F.C. e o Giralda F.C., equipos estes nacidos en 1912) e mais o Club Ferrol (cadro nacido en 1917 co nome de Círculo Rojo F.C. da man dun vigués que cursaba estudos en Ferrol chamado Fernando De Ponte). Foi admitido na Federación Galega de Fútbol na súa asemblea anual, celebrada en Vigo o 18 de outubro pero o 30 de novembro foi expulsado por non estar aínda inscrito no rexistro de asociacións nin contar con campo de seu, trámites estes que formalizaría nos meses seguintes para reingresar na federación.

O Racing empezou xogando en 1919 no Campo de Sport de Caranza e debutou na Serie B do extinto Campionato de Galicia na tempada 1920/21, logrando o ascenso á máxima categoría, a Serie A, ao remate da campaña 1922/23, cando xa xogaba no Campo do Inferniño, inaugurado en maio de 1921. Na tempada 1923/24 quedou subcampión galego tras o Celta de Vigo. Durante os anos seguintes experimentou unha imparábel progresión até proclamarse campión de Galicia na tempada 1928/29 (sen coñecer a derrota), logo de vencer ao Deportivo da Coruña no último partido do torneo rexional. Con esa vitoria o equipo puido xogar por primeira vez na súa historia a Copa do Rei, deixando na cuneta ao potente Alavés e sendo eliminado nos oitavos de final polo Athletic Club con polémicas arbitrais incluídas. Durante esas eliminatorias a prensa vasca deulle ao Racing o sobrenome de Diaños Verdes, pola grande impresión que os verdes deixaran en Vitoria e en Bilbao. No equipo verde, dirixido polo catalán José Planas, salientaban Gerardo Bilbao e Guillermo Gorostiza, que despois ficharían polo Athletic, o rioxano Alejandro (que anos despois xogaría no Atlético de Madrid), o lucense Silvosa, Pedro Basterrechea e o ferrolán Manuel Rivera, considerado como un dos mellores medios centros do fútbol galego de antes da guerra civil.

En 1928 creouse a Liga española de fútbol, e o Racing Club comezou a súa andaina no campionato nacional dentro do grupo galego de Terceira División (por entón, terceira categoría pura). Nas súas dúas primeiras tempadas, os ferroláns terminaron en primeira posición do seu grupo. En 1931/32 mesmo chegaron a xogar a fase de ascenso á Segunda División sendo eliminados polo C.D. Nacional madrileño. Finalmente conseguiron o ascenso ao termo da tempada 1933/34 cando a Real Federación Española de Fútbol ampliou a Segunda División a máis equipos. O Racing, no que xogaba xa o futuro internacional Juan Vázquez, só puido permanecer un ano nela, xa que terminou a tempada 1934/35 na última posición do seu grupo.

Finalista na Copa de España

Durante a guerra civil española o fútbol oficial non se detivo en Galicia, e o Racing, con Planas como técnico, proclamouse vencedor do campionato galego nas tempadas 1937/38 e 1938/39 (esta última sen coñecer a derrota, superando con claridade ao Deportivo da Coruña). Grazas ao título desta última campaña conseguiu clasificarse para a Copa do Xeneralísimo 1939 no primeiro ano baixo esa denominación. Os estragos da guerra afectaron a moitos clubs, que renunciaron a participar polos custos ou porque se atopaban sen xogadores. O Racing eliminou a Real Sociedad en cuartos de final e o Baracaldo-Oriamendi nas semifinais.

O equipo conseguiu así chegar até a súa primeira final do torneo copeiro. O partido disputouse o 25 de xuño de 1939 no Estadio de Montjuïc (Barcelona), e o Racing de Ferrol caeu derrotado fronte ao Sevilla FC, que partía como claro favorito, por 6 a 2. Silvosa marcou os dous goles dos ferroláns, un deles de penalti. O once verde na cita foi o formado por: Alberty; Caliche, Moreno; Bertolí, Silvosa, Basterrechea; Lelé, Gallart, Barón, Edelmiro e Portugués.

Paso pola Segunda División

Logo da final de Copa, o Racing de Ferrol (que dende xaneiro de 1941 pasara a denominarse por imperativo legal Club Ferrol) permaneceu catro tempadas en Segunda División desde o ano 1939 até 1943, e logo de forma ininterrompida desde 1944 até 1960, cando volveu descender á 3ª División. En 1952 o equipo ferrolán disputou por primeira vez na súa historia a liguiña de ascenso a Primeira División, aínda que non puido conseguir o seu obxectivo ao terminar en última posición de seis equipos.

En 1954, logo de varios anos sometido a un proceso de remodelación, o campo do Inferniño foi rebautizado co nome de estadio Manuel Rivera, en memoria do excelso futbolista falecido de maneira prematura. Ampliou capacidade, pasando de 3 000 a 8 000 localidades, e quedou convertido nun estadio con pista de atletismo e torre do Maratón.

En 1960 o club regresou, como queda dito, ao grupo galego de Terceira División. A pesar de ser o seu máximo dominador, gañando e goleando case sempre, o Racing caía nas fases de ascenso (Huelva, Rayo Vallecano, Abarán...) e non conseguiu o seu obxectivo até o ano 1966, con Satur Grech á fronte do banco, cando superou na rolda final á UE Sants barcelonesa no Camp Nou. O seu novo paso por Segunda durou nesta ocasión seis tempadas e o seu posto máis destacado foi unha cuarta posición na tempada 1968/69, a un só punto do ascenso, despois de 17 partidos consecutivos sen coñecer a derrota, case toda a 2ª volta en postos de ascenso e unha liña de oito triunfos seguidos. Por outra banda, en 1967 o equipo fíxose coa 22ª edición do Trofeo Teresa Herrera logo de eliminar ao Deportivo da Coruña na semifinal e superar por 3 a 0 ao Celta de Vigo na final. Nestes anos, os da presidencia de Ramón Sánchez Dopico, o Racing bateu récords en número de socios e milleiros de afeccionados enchían o estadio Manuel Rivera domingo tras domingo.

O Racing de Ferrol descendeu a Terceira en 1972 (ano no que deixou de chamarse Club Ferrol para pasar a titularse Racing Club de Ferrol, até hoxe) e os verdes non conseguiron regresar á división de prata até seis anos despois. En 1978 a Federación Española reestruturou todo o campionato profesional e introduciu entre a Segunda e a Terceira a Segunda División B (cos mellores equipos da Terceira da tempada 1976/77). Os ferroláns quedaron encadrados no grupo 1º desa Segunda B con rivais de toda a metade norte de España, e conseguiron o seu ascenso como campións da súa división. Con todo, só permaneceron unha tempada en Segunda, a 1978/79, ao terminar en última posición de 20 equipos.

Crise de resultados

Tras o seu descenso, o Racing de Ferrol atravesou unha grave crise deportiva e económica. O equipo chegou até a descender a Terceira División en 1984, obtendo a súa posición máis baixa en 1987 ao rozar os postos de descenso á división rexional. A estas crises sumouse unha mala xestión da directiva, que terminou coa inhabilitación do presidente da entidade, Vicente Bastida De la Calle, en 1983, polo famoso "caso Camilo". O club conseguiu regresar a Segunda B en 1988 e tamén en 1992, asentándose por completo nesa categoría a partir dese ano. En 1993 tivo lugar a inauguración do Campo da Malata.

En 1995 os ferroláns volveron loitar por subir, logo de quedaren primeiros no seu grupo de Segunda B, aínda que na liguiña de ascenso empataron na última xornada fronte ao Beasain e quedaron por detrás do Almería CF. Durante seis anos o conxunto galego terminou nas posicións altas da táboa, até que na tempada 1999/2000, ao cuarto intento, o Racing de Ferrol logrou subir a Segunda co ferrolán José Ramón Arteche como técnico, logo de vencer na fase final ao Barakaldo CF, AD Ceuta e CF Gandia.

Século XXI

Racing de Ferrol - CDC Areas na Malata, 2011.

Celebración dun gol do Racing no Estadio de Pasarón, 2022.

Para poder xogar na Segunda División (na que se atoparía con rivais como o Atlético de Madrid, Betis ou o Sevilla), o Racing de Ferrol tivo que converterse en sociedade anónima deportiva, trámite verificado no verán de 2001 co Concello de Ferrol e Isidro Silveira (presidente dende 1995) como principais accionistas. O equipo permaneceu tres tempadas na segunda categoría, cun noveno lugar como posto máis destacado na tempada 2001/02, pero descendeu en 2003 ao finalizar en antepenúltima posición.

Cunha tempada en Segunda B, o club regresou a Segunda División en 2004 con Luis César como adestrador logo de superar na fase de ascenso a Castellón, Atlético de Madrid B e Sevilla B, e viviu dous anos na división de prata. Os galegos volveron ascender en 2007 da man dos irmáns Juan e José Veiga (superando os desaparecidos CD Linares primeiro e Alicante CF despois) e na tempada 2007/08 terminaron en décimo novena posición, o que supuxo unha nova perda de categoría.

Na tempada 2008/09 o equipo acabou sétimo en Segunda B. A crise económica obrigou ao club a desprenderse dalgúns dos seus mellores xogadores, o que provocou, na tempada 2009/10, o descenso a Terceira logo de 18 tempadas sen xogar no cuarto andar do fútbol español.

Na tempada 2010/11 o Racing acadou a segunda posición na táboa. Os ferroláns xogaron a fase de ascenso, superando na primeira rolda ao Binéfar, pero caendo eliminados na segunda polo Izarra. A tempada seguinte foi moito máis irregular para o Racing, que quedou en novena posición, a 15 puntos da promoción. Na tempada 2012/13, o equipo proclamouse campión do grupo I de Terceira, sumando 97 puntos, novo récord histórico no grupo galego ademais de ser o campión con máis puntos dos 18 grupos nesa tempada. Na promoción de campións, o Racing empatou 1-1 contra o Laudio en terras vascas, sentenciando a eliminatoria por 1-0 na Malata e volvendo a Segunda B tres anos despois.

Estadio

Artigo principal: Estadio Municipal da Malata.

O campo onde xoga como local é o estadio Municipal da Malata. Sitúase nunha superficie municipal de 144 806 metros cadrados na zona da Malata, xunto ao Recinto feiral de Punta Arnela. O campo ten unhas dimensións de 105 x 68 metros e unha capacidade para 12 024 persoas.

Canteira

Conta cunha ampla canteira nas categorías inferiores como, benxamins e alevíns. Tamén conta con categorías superiores en ligas galegas como infantil, cadete e xuvenil.

Uniforme

• Uniforme titular: Camiseta e medias verdes, pantalón branco.
• Uniforme reserva: Camiseta a raias verticais brancas e negras, pantalón negro.
• Uniforme alternativo: Camiseta, pantalón e medias verdes.

Datos do club

• Tempadas en 1ª: 0
• Tempadas en 2ª: 34
• Tempadas no terceiro nivel ligueiro (antigas Terceira e Segunda B e actual 1ª RFEF): 46
• Tempadas no cuarto nivel ligueiro (Terceira e actual 2ª RFEF): 10
• Mellor clasificación na liga: 2º (Segunda División grupo 1º, tempada 1939-40); 4º (Segunda División, grupo único, tempada 1968/69).

Historial na liga

Tempada Categoría Nivel Posto 1929 3ª 3ºCat 1º 1930/31 3ª 3ºCat 3º 1931/32 3ª 3ºCat 1º 1932/33 3ª 3ºCat 4º 1933/34 3ª 3ºCat 5º 1934/35 2ª 2ºCat 8º 1939/40 2ª 2ºCat 2º 1940/41 2ª 2ºCat 4º 1941/42 2ª 2ºCat 3º 1942/43 2ª 2ºCat 6º 1943/44 3ª 3ºCat 1º 1944/45 2ª 2ºCat 10º 1945/46 2ª 2ºCat 7º 1946/47 2ª 2ºCat 10º 1947/48 2ª 2ºCat 3º 1948/49 2ª 2ºCat 14º 1949/50 2ª 2ºCat 12º 1950/51 2ª 2ºCat 8º 1951/52 2ª 2ºCat 3º 1952/53 2ª 2ºCat 9º 1953/54 2ª 2ºCat 8º 1954/55 2ª 2ºCat 12º 1955/56 2ª 2ºCat 6º

Tempada Categoría Nivel Posto 1956/57 2ª 2ºCat 16º 1957/58 2ª 2ºCat 12º 1958/59 2ª 2ºCat 10º 1959/60 2ª 2ºCat 16º 1960/61 3ª 3ºCat 1º 1961/62 3ª 3ºCat 2º 1962/63 3ª 3ºCat 1º 1963/64 3ª 3ºCat 3º 1964/65 3ª 3ºCat 1º 1965/66 3ª 3ºCat 1º 1966/67 2ª 2ºCat 7º 1967/68 2ª 2ºCat 7º 1968/69 2ª 2ºCat 4º 1969/70 2ª 2ºCat 10º 1970/71 2ª 2ºCat 8º 1971/72 2ª 2ºCat 18º 1972/73 3ª 3ºCat 9º 1973/74 3ª 3ºCat 4º 1974/75 3ª 3ºCat 3º 1975/76 3ª 3ºCat 9º 1976/77 3ª 3ºCat 6º 1977/78 2ªB 3ºCat 1º 1978/79 2ª 2ºCat 20º

Tempada Categoría Nivel Posto 1979/80 2ªB 3ºCat 16º 1980/81 2ªB 3ºCat 11º 1981/82 2ªB 3ºCat 17º 1982/83 2ªB 3ºCat 9º 1983/84 2ªB 3ºCat 20º 1984/85 3ª 4ºCat 3º 1985/86 3ª 4ºCat 8º 1986/87 3ª 4ºCat 17º 1987/88 3ª 4ºCat 1º 1988/89 2ªB 3ºCat 13º 1989/90 2ªB 3ºCat 17º 1990/91 3ª 4ºCat 5º 1991/92 3ª 4ºCat 1º 1992/93 2ªB 3ºCat 12º 1993/94 2ªB 3ºCat 13º 1994/95 2ªB 3ºCat 1º 1995/96 2ªB 3ºCat 2º 1996/97 2ªB 3ºCat 7º 1997/98 2ªB 3ºCat 5º 1998/99 2ªB 3ºCat 4º 1999/00 2ªB 3ºCat 3º 2000/01 2ª 2ºCat 16º 2001/02 2ª 2ºCat 9º

Tempada Categoría Nivel Posto 2002/03 2ª 2ºCat 20º 2003/04 2ªB 3ºCat 2º 2004/05 2ª 2ºCat 16º 2005/06 2ª 2ºCat 20º 2006/07 2ªB 3ºCat 3º 2007/08 2ª 2ºCat 19º 2008/09 2ªB 3ºCat 7º 2009/10 2ªB 3ºCat 19º 2010/11 3ª 4ºCat 2º 2011/12 3ª 4ºCat 8º 2012/13 3ª 4ºCat 1º 2013/14 2ªB 3ºCat 2º 2014/15 2ªB 3ºCat 3º 2015/16 2ªB 3ºCat 2º 2016/17 2ªB 3ºCat 7º 2017/18 2ªB 3ºCat 18º 2018/19 3ª 4ºCat 1º 2019/20 2ªB 3ºCat 11º 2020/21 2ªB 3ºCat 5º 2021/22 1ª RFEF 3ºCat 3º/1º 2022/23 1ª RFEF 3ºCat 3º

Xogadores

Cadro actual

Datos do 7 de decembro de 2020.

Nº Posto País Xogador 1 POR Diego Rivas Rego 2 DEF Diego Seoane 3 DEF Fernando Pumar 4 DEF Jon García 6 MED Javi Rey 7 MED Dani Abalo 8 MED Álex López 9 DIA Nathan 10 MED Dani Nieto 11 MED Elsinho

Nº Posto País Xogador 13 POR Chema 14 DEF Yeferson Quintana 15 DEF Quique Fornos 17 MED Juan Peñaloza 18 MED Fer Beltrán 19 DIA David Rodríguez 20 MED Pep Caballé Martín 21 DEF Bruno Rivada 22 DIA Joselu

Goleadores por tempada

Máximos goleadores por tempada
Tempada	Xogador	P.Xogados	P.Titular	Minutos	Goles	Cos mesmos goles
1934–35	Juan Vázquez
1944–45	José Caeiro Igós	20	20	1.768	12
1945–46	Ortiz	26	26	2.340	11
1946–47	José Caeiro Igós	28	28	2.520	15
1947–48	José Caeiro Igós	29	29	2.610	33
1948–49	Polo	25	25	2.250	15
1949–50	Paseiro	33	33	3.000	16	Telesforo
1950–51	Marquínez	18	18	1.620	11
1951–52	Alvarito	34	34	3.058	19
1952–53	Sabino	32	32	2.880	16
1953–54	Carriega	23	23	2.070	10
1954–55	Fábregas	14	14	1.260	10
1955–56	Alvarito	24	24	2.160	17
1956–57	Tucho Sampedro	35	35	3.150	21
1957–58	Suco	24	24	2.160	9
1958–59	Rogelio Rodríguez Cao	23	23	2.070	10	Suco
1959–60	Bermejo	31	31	2.790	15
1960–61	- - -	- - -	- - -	- - -	- - -
1961–62	- - -	- - -	- - -	- - -	- - -
1962–63	Ramón Posada	- - -	- - -	- - -	26
1963–64	- - -	- - -	- - -	- - -	- - -
1964–65	- - -	- - -	- - -	- - -	- - -
1965–66	- - -	- - -	- - -	- - -	- - -
1966–67	Sornichero	27	27	2.430	12
1967–68	Germán Muiños	24	24	2.160	16
1968–69	Germán Muiños	27	27	2.430	19
1969–70	Germán Muiños	28	28	2.430	12
1970–71	Garrido	33	32	2.895	11
1971–72	Pedro Amado	30	29	2.342	6
1972–73	- - -	- - -	- - -	- - -	- - -
1973–74	- - -	- - -	- - -	- - -	- - -
1974–75	- - -	- - -	- - -	- - -	- - -
1975–76	- - -	- - -	- - -	- - -	- - -
1976–77	- - -	- - -	- - -	- - -	- - -
1977–78	Argüeso	37	- - -	3.031	22
1978–79	Argüeso	27	26	2.210	6
1988–89	Javi	36	31	2.516	7
1989–90	Miguel Ángel	37	36	3.090	12
1992–93	Pazolo	34	34	2.896	21
1993–94	Peña	26	26	2.235	15
1994–95	Juanito	36	32	2.945	15
1995–96	Javi Prendes	33	32	2.751	17
1996–97	Chili	27	21	2.002	12
1997–98	Pazolo	32	22	2.073	12
1998–99	Manel	35	31	2.831	13	Pazolo
1999–00	Sueiro	32	18	1.521	8
2000–01	Pazolo	30	21	1.904	10
2001–02	Irurzun	42	42	3.722	17
2002–03	Cuéllar	33	33	2.763	12
2003–04	Barbarín	33	17	1.646	8
2004–05	Mario Bermejo	39	34	2.980	25
2005–06	Juan Carlos	33	26	2.403	10
2006–07	Fabien Lamatina	34	27	2.388	9	Steven Cohen
2007–08	Jonathan Pereira	39	38	3.346	11
2008–09	Fabien Lamatina	34	26	2.225	10
2009–10	Rudy Carlier	29	26	2.257	8
2010–11	Pablo Rey	- - -	- - -	- - -	12
2011–12	Pablo Rey	- - -	- - -	- - -	5
2012–13	Jorge Rodríguez	- - -	- - -	- - -	16
2013–14	Manu Barreiro	33	31	2.628	21
2014–15	Joselu	38	37	3.108	15
2015–16	Joselu	38	38	3.349	20
2016–17	Joselu	38	38	3.322	18
2017-18	Pablo Rey	35	34	2.898	10
2018-19	Pablo Rey	38	36	3.078	26
2019-20	Joselu	25	25	2.172	14
2020-21	David Rodríguez	20	20	1.554	7
2021-22	Joselu	36	30	2.265	14

Corpo técnico

Cargo	Nome
Adestrador	Cristóbal Parralo
2º adestrador	Javier Manjarín Pablo López
Preparador físico	Kiko Corredoira
Ad. de porteiros	César Caamaño
Readaptador	Óscar Ares

Adestradores

Categoría principal: Adestradores do Racing de Ferrol.

1928-1929 José Planas 1929-1930 José Messenger [Cómpre referencia] 1930-1931 José Planas 1931-1932 Juan Lozano [Cómpre referencia] 1931-1932 Agustín Marín Barranco [Cómpre referencia] 1932-1933 José Planas ----- 1934-1935 José Planas [Cómpre referencia] 1935-1936 José Messenger 1935-1936 César Moledo 1936-1939 José Planas ----- 1941-1942 Fernando Fariña 1942-1943 José Planas ----- 1944 Tomás Rodríguez 1944-1945 Hilario 1945-1947 Amadeo Sánchez 1947-1949 Hilario 1949-1950 Benito Pérez Bao 1950-1951 José Planas 1951-1952 Tomás Castro Serrano 1952 Lorenzo Ausina Tur

1952-1957 Juan Vázquez Tenreiro 1957 Santiago Sanz Fraile 1957 Benito Pérez Bao 1957-1958 Alberto Fernández 1958-1959 Galarraga 1959 Tomás Castro Serrano 1960 Hilario 1960 Ramón Miranda Pérez ----- 1962-1963 Alberto Fernández 1964-1965 García de Andoin 1965-1968 Satur Grech 1968-1969 Juan Ramón Santiago 1969 Ernesto Pons 1969 Miguel Núñez Vila 1969-1971 José Caeiro Igós 1971 Satur Grech 1971-1972 Rafael Franco ----- 1973-1976 Julio Martialay 1976-1977 José Caeiro Igós 1977-1978 Luis Rodríguez Vaz 1978 José López Rodríguez 1978 Gerardo Molina

1978-1979 Moreno Manzaneque 1979 Otto Bumbel ----- 1980-1984 José Antonio Saro 1984 José Ramón Arteche ----- 1986-1987 José Ramón Arteche ----- 1988 Jesús Tartilán Requejo 1988 Fernández Amado 1988-1989 José Luis Viñas 1989 Cholo 1989-1990 José López Rodríguez 1990-1991 Alfredo Pascual Sanz 1991-1993 Fernando Vázquez 1993-1994 José López Rodríguez 1994-1995 Luis Rodríguez Vaz 1995 Ramón Piña 1996 Gerardo Molina 1996 Luis Rodríguez Vaz 1996 Carlos Simón Server 1996-1997 Tomé 1997-1998 José Pérez García

1999-2000 José Ramón Arteche 2000-2004 Luis César 2004-2006 Veiga 2006 Gerardo Molina 2006 José Luis Vara 2006-2007 Manuel García 2007-2008 Veiga 2008-2009 Gerardo Molina 2009 Manolo 2009 Míchel Alonso 2009 Veiga 2009-2011 Luisito 2011 Stili 2011-2014 José Manuel Aira 2014-2015 Manuel García 2015-2016 Miguel Ángel Tena 2016 Míchel Alonso 2016-2017 Miguel Ángel Tena 2018 Ricardo López Felipe 2018-2021 Emilio Larraz 2021- Cristóbal Parralo

Palmarés

Seareiros do Racing de Ferrol.

Torneos nacionais

• Campionato de Galicia (3): 1928–29, 1937–38, 1938–39
• Copa Federación Galega de Fútbol (1): 1946-47
• Fase Autonómica Galega da Copa RFEF (1): 1997-98
• Subcampión do Campionato de Galicia (2): 1923–24, 1932–33

Torneos estatais

• Subcampión da Copa do Xeneralísimo (1): 1938-39
• Segunda División B (2): 1977–78, 1994–95
• Terceira División antiga (8): 1943–44, 1960-61, 1962–63, 1964–65, 1965–66,
• Terceira División actual (4): 1987–88, 1991–92, 2012–13, 2018–19
• Subcampión da Segunda División Grupo I (1): 1939–40
• Subcampión da Segunda División B (2): 1995–96, 2003–04, 2013-14
• Subcampión da Terceira División antiga (1): 1961–62

Torneos amigables

• Trofeo Concepción Arenal (8): 1959, 1964, 1965, 1981, 1988, 2001, 2005, 2007
• Trofeo Emma Cuervo (6): 1952, 1971, 1980, 2000, 2002, 2005
• Trofeo Teresa Herrera (1): 1967
• Trofeo Conde de Fontao (1): 1970
• Copa Deputación da Coruña (6): 1991, 1993, 1999, 2000, 2007, 2017
• Trofeo Jabones Beceiro (1): 1938

Premios

• Premio Xogo Limpo en Segunda B da RFEF (1): 1999–2000

Véxase tamén

Ligazóns externas

• Web oficial do club
• Web da Federación De Peñas do Racing (en castelán)
• https://web.archive.org/web/20180308183313/https://ferrolracing2019.blogspot.com.es/ (en galego)