José Luis Vara

Na Galipedia, a Wikipedia en galego.
Saltar ata a navegación Saltar á procura
José Luis Vara
Información persoal
Nome completo José Luis Vara Olveira
Nacemento 5 de outubro de 1958
  Muros
Falecemento 23 de abril de 2009
Nacionalidade España
Altura 1,84 m.
Posición Centrocampista
Carreira xuvenil
?–1973 Esteirana
1973–? Deportivo da Coruña
Carreira sénior
Anos Equipos Aprs (Gls)
?–1979 Fabril Deportivo
1979–1987 Deportivo da Coruña 221 (56)
1987–1990 Betis 69 (7)
1990–1991 Orihuela 29 (1)
1991–1994 Granada 87 (13)
1994 Xove Lago
Adestrador
1995–1997 Ordes
1997–1999 Malpica
1999–2000 Atlético Arteixo
2000–2004 Bergantiños
2004–2005 Laracha
2006 Racing de Ferrol
2006–2007 Laracha
2007–2008 Cerceda
* Partidos e goles só en liga doméstica.
† Aparicións (Goles)

José Luis Vara Olveira, nado en Esteiro (Muros) o 5 de outubro de 1958 e falecido na Coruña o 23 de abril de 2009, foi un futbolista e adestrador de fútbol galego. Xogaba de centrocampista.

Traxectoria[editar | editar a fonte]

Como futbolista[editar | editar a fonte]

José Luis Vara comezou xogando de rapaz no Esteirana, fichando como xuvenil no Deportivo da Coruña en 1973, dende onde pasou ao Fabril Deportivo e en 1979 debutou no cadro titular do Deportivo, en Segunda División. Xogou coa entidade coruñesa nove temporadas, ata que en 1987 foi traspasado ao Betis, que naquela altura xogaba en Primeira División e onde xogou ata 1990. Durante catro temporadas máis continuou xogando en Andalucía, primeiro no Orihuela, co que adestrou unha tempada en Segunda, e logo no Granada, durante tres temporadas de 1991 a 1994. Nese ano fichou polo Xove Lago, pero sen rematar a temporada retirouse da práctica activa do deporte.

Como adestrador[editar | editar a fonte]

Ao remate da súa carreira como futbolista dedicouse a adestrar. En 1995 fichou polo Ordes, onde estivo dúas tempadas, e logo outras dúas co Malpica (1997-1999), co que conseguiu o ascenso a Terceira, o Atlético Arteixo (1999–00), o Bergantiños (catro temporadas, do 2000 ao 20004) e o Laracha en Terceira (2004–05), co que conseguiu disputar unha fase de ascenso a Segunda B, sen éxito, baixo a dirección deportiva de Pedro Vila.

En 2006 foi fichado como adestrador do Racing de Ferrol de Segunda División por Isidro Silveira Cameselle para substituír a Juan Veiga: co equipo ferrolán rematou a temporada 2005–06 pero non evitou o descenso do club a Segunda B. Vara foi destituído e o seu posto ocupouno Manolo García. Á temporada seguinte marchou para o banco do Laracha de novo, e logo en 2007 para o do Cerceda, que finalmente abandonou en xuño de 2008 por motivos de saúde.

O 23 de abril de 2009 faleceu na súa casa da Coruña como consecuencia dun cancro de páncreas.[1][2]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]