Jonathan Pereira

Jonathan Pereira
Información persoal
Nome	Jonathan Pereira Rodríguez
Nacido	12 de maio de 1987 (33 anos)
Lugar	Vigo
Altura	1,65 m.
Posición	Dianteiro
Información de club
Club actual	Gimnàstic de Tarragona
Carreira xuvenil
	Santa Mariña
2002–2004	Villarreal
Carreira sénior
Anos	Equipos	Aprs	(Gls)
2004–2007	Villarreal B	73	(51)
2006–2010	Villarreal	10	(1)
2007–2008	→ R. de Ferrol (ced.)	39	(11)
2008–2009	→ Racing S. (ced.)	32	(5)
2010–2012	Betis	77	(16)
2013–2015	Villarreal	50	(11)
2014–2015	→ Rayo V. (ced.)	3	(0)
2015	→ Valladolid (ced.)	20	(6)
2015–2016	Lugo	35	(9)
2016–2017	Real Oviedo	14	(2)
2017–2019	AD Alcorcón	64	(8)
2019–	Gimnàstic de Tarragona
Selección nacional
2006–2007	Galicia	2	(1)
2004	España sub-17	9	(1)
2007	España sub-20	1	(0)
2008–2009	España sub-21	3	(0)
Partidos e goles só en liga doméstica. Selección: actualizado a 8 de agosto de 2016[ editar datos en Wikidata ]

Jonathan Pereira Rodríguez, nado o 12 de maio de 1987 en Vigo, é un ex futbolista galego. Actualmente xoga como dianteiro no Gimnàstic de Tarragona.

Traxectoria

Jonathan Pereira coa selección galega

Empezou na canteira do Celta de Vigo, xogando 2 anos cos alevíns. Logo estivo 4 anos no Unión Deportiva Santa Mariña de Cabral (Vigo), e ós 15 anos marchou ó Villareal para xogar nas categorías inferiores, debutando na primeira división o 21 de outubro de 2006 contra o Levante. O resultado final foi de empate a 1, marcando el mesmo o gol logo dun minuto no campo, converténdose no xogador debutante que menos tempo tardou en meter un gol. En xullo de 2007 o Villarreal cedeuno ó Racing de Ferrol da segunda división, equipo co que descendeu á segunda B.

No verán de 2008 foi seguido por varios equipos, como o Racing de Santander, o Málaga ou o Recreativo de Huelva, aínda que todos pretendían a súa cesión, xa que ten contrato co Villarreal ata o 2013. Finalmente foi cedido ó Racing de Santander por unha tempada .

Jonathan pasou á historia racinguista por ser o primeiro xogador que marca un gol na Copa da UEFA co Racing de Santander. O partido foi o 18 de setembro de 2008 no Sardinero fronte ao FC Honka Espoo gañando o conxunto cántabro por 1-0. Tamén marcou no último partido que disputou o equipo cántabro na competición europea fronte ao Manchester City no Sardinero o 18 de decembro de 2008. Tamén marcou o gol máis rápido na historia do Racing aos 24 segundos no partido fronte ao Deportivo da Coruña en Riazor o 8 de marzo de 2009.

Tras volver ao Villarreal Club de Fútbol ao finalizar a tempada 2009-2010 ao terminar a súa cesión, o 19 de xaneiro de 2010 foi fichado polo Real Betis Balompié por 3,4 millóns de euros.

Selección nacional

Foi internacional coa selección de fútbol de Galicia en dúas ocasións. Foi internacional coas seccións inferiores da selección española de fútbol, coas que conseguiu o subcampionato de Europa Sub-17..

Palmarés

Copas internacionais

Título	Club	País	Ano
Subcampión Eurocopa Sub-17	España Sub-17	Francia	2004

Récords

O 4 de agosto de 2011, disputou un amigábel de pretemporada co Real Betis contra o Neath galés marcando 7 goles. Isto colocouno no quinto posto do ránking mundial de máis goles conseguidos nun só partido por un xogador, tan só por debaixo de Pelé (8 goles), Voskamp (8), Nielsen (10) e Thompson (13).

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en futbolme.com (en castelán)