José Vara Martínez

Na Galipedia, a Wikipedia en galego.
Saltar ata a navegación Saltar á procura
Portugués
Información persoal
Nome José Vara Martínez
Nacemento 3 de outubro de 1912
Lugar de nacemento Porto
Falecemento 16 de setembro de 1995
Posición Defensa
Carreira sénior
Anos Equipos Aprs (Gls)
1933–1934 Unión Sporting
1934 Racing San Lorenzo
1934–1937 Lugo Sporting
1937–1941 Racing de Ferrol 46 (23)
1942–1946 Deportivo da Coruña 87 (1)
1946–1949 Racing de Ferrol 47 (3)
Partidos e goles só en liga doméstica.

editar datos en Wikidata ]

José Vara Martínez, alcumado Portugués, nado no Vila Nova de Gaia o 3 de outubro de 1912 e finado en Ferrol o 16 de setembro de 1995, foi un futbolista portugués de ascendencia galega. Xogaba de defensa.

Traxectoria[editar | editar a fonte]

Naceu en Vila Nova de Gaia, sendo súa nai portuguesa e seu pai galego, e instalouse en Galicia aos cinco anos.[1] O seu primeiro equipo foi o Unión Sporting Club de Lavadores, co que competiu no Campionato de Galicia e onde coincidiu entre outros con Talladas, Morla, Cons ou Herodes.[1] En 1934 pasou brevemente polo Racing Club San Lorenzo de Santiago e a continuación fichou polo Lugo Sporting.[2] En 1937, pasou ás filas do Racing de Ferrol, equipo co que foi subcampión da Copa do Xeneralísimo na edición de 1939, sendo un dos titulares na final fronte ó Sevilla.[3] Tamén gañou dúas edicións do Campionato de Galicia co equipo ferrolán.

Na tempada 1942–43 firmou polo Deportivo da Coruña, debutando na máxima categoría da man do técnico coruñés Chacho, na primeira xornada, nunha vitoria a domicilio sobre o Granada CF (0–1). Esa campaña participou en 23 partidos, formando parella na defensa co coruñés Pedrito. As actuacións desta parella defensiva, xunto as do gardameta Acuña, fixeron que o equipo fose o menos goleado da liga esa campaña. Permaneceu no Deportivo catro campañas, sufrindo un descenso a Segunda División logo da tempada 1944–45, logrando o ascenso na campaña seguinte.

En 1945, volveu ao Racing de Ferrol, retirándose en 1949, logo de tres campaña en Segunda División. Faleceu en Ferrol o 16 de setembro de 1995.[4]

Notas[editar | editar a fonte]

  1. 1,0 1,1 "Un gallego «a todos los efectos»". La Voz de Galicia (en castelán). 15 de novembro de 1992. p. 94. 
  2. "Nuevos jugadores al Lugo Sporting Club". La Voz de la Verdad (en castelán). 16 de novembro de 1934. p. 5. Consultado o 16 de abril de 2021. 
  3. Copa do Xeneralísimo 1939 en linguasport (en castelán)
  4. "Esquela". La Voz de Galicia (en castelán). 17 de setembro de 1995. p. 79. 

Véxase tamén[editar | editar a fonte]

Ligazóns externas[editar | editar a fonte]