Tras cinco títulos consecutivos do Real Madrid, esta tempada proclamouse campión o FC Barcelona. O club catalán, baixo a dirección de Johan Cruyff iniciou con este título a mellor serie triunfal da súa historia, con catro campionatos consecutivos.
Emilio Butragueño logrou este o trofeo que outorga o Diario Marca ao máximo goleador da Primeira División co mellor rexistro anotador da súa carreira: 19 goles.
Abel Resino gañou o Trofeo Zamora ao encaixar 17 goles en 33 partidos de liga, a mellor media (0,51) da historia da Primeira División, ata a data. O gardameta do Atlético de Madrid estableceu, ademais, unha marca mundial de invencibilidade, con 1.275 minutos sen recibir un gol.