Leo Beenhakker

Leo Beenhakker

Biografía
Nacemento	2 de agosto de 1942 Rotterdam, Países Baixos
Morte	10 de abril de 2025 (82 anos) Rotterdam, Países Baixos
Actividade
Ocupación	futbolista, adestrador de fútbol
Nacionalidade deportiva	Países Baixos
Deporte	fútbol
Posición de xogo	Centrocampista
Traxectoria   Equipo – XerxesDZB   Adestrador 1965–1967 SV Epe 1968–1972 BV Veendam (pt) 1972–1975 SC Cambuur-Leeuwarden (pt) 1975–1976 Go Ahead Eagles 1979–1981 AFC Ajax 1981–1984   Real Zaragoza 1984–1985 FC Volendam (pt) 1985–1985   Países Baixos 1986–1989   Real Madrid CF 1989–1991 AFC Ajax 1990–1990   Países Baixos 1992–1992   Real Madrid CF 1992–1993 Grasshopper Club Zürich 1993–1994   Selección de fútbol de Arabia Saudita 1994–1995 Club América 1995–1995 İstanbulspor Anonim Şirketi (pt) 1995–1996 CD Guadalajara 1996–1997 Vitesse Arnhem 1997–2000 Feyenoord Rotterdam 2003–2004 Club América 2005–2006   Selección de fútbol de Trinidad e Tobago 2006–2009   Polonia 2007–2007 Feyenoord Rotterdam
Participou en
xuño de 2008	Eurocopa de Fútbol Austria/Suíza 2008
Premios
(16 de xaneiro de 2008)  Oficial da Orde Polonia Restituta  Medalla Chaconia

Leo Beenhakker, nado en Rotterdam o 2 de agosto de 1942 e finado o 10 de abril de 2025, foi un exadestrador de fútbol neerlandés. Nos seus máis de 40 anos de adestrador dirixiu numerosos clubs e seleccións de diferentes países. No seu país natal gañou tres veces a Eredivisie, co Ajax e co Feyenoord, mentres que co Real Madrid conquistou tres ligas españolas consecutivas, así como unha Copa do Rei.

A nivel internacional dirixiu a selección dos Países Baixos e conseguiu clasificar a Trindad e Tobago para o Mundial de 2006 e a Polonia para a Eurocopa de 2008, sendo as primeiras participacións da historia desas seleccións en ditos torneos.

Traxectoria

Tras adestrar varios equipos e gañar unha liga neerlandesa co Ajax, colleu en 1985 as rendas da selección dos Países Baixos, ás que dirixiu ata 1986. A continuación fichou polo Real Madrid, club no que obtivo os seus maiores éxitos, gañando tres veces consecutivas o campionato de Primeira División e unha a Copa do Rei. Posteriormente gañou outras dúas veces a Eredivisie, unha co Ajax e outra co Feyenoord.

Pasou tamén por outros moitos clubs de diferentes países como o Grasshoppers, o América, o İstanbulspor, o Guadalajara ou o Vitesse, e polas seleccións de Arabia Saudita, Polonia e Trinidad e Tobago. Dirixiu o combinado neerlandés no Mundial de 1990 en Italia, acadando os oitavos de final, onde o equipo caeu eliminado diante da selección da RFA. Adestrou a Trinidad e Tobago no ano previo ao Mundial de 2006 e logrou a clasificación para o torneo por primeira vez na historia do país. A continuación foi durante tres anos seleccionador de Polonia, conseguindo meter o equipo na primeira Eurocopa da súa historia. O 20 de febreiro de 2008 foi condecorado coa Orde de Polonia Restituta polo presidente do país, Lech Kaczyński. Con todo, foi despedido despois de non se clasificar para o Mundial de 2010.

Nos seus últimos anos no mundo do fútbol exerceu como director deportivo de varios equipos, o último deles o Sparta Rotterdam ata 2018.

Palmarés

Ajax

• Eredivisie (2): 1979/80, 1989/90.

Real Madrid

• Primeira División (3): 1986/87, 1987/88, 1988/89.
• Copa do Rei (1): 1988/89.
• Supercopa de España (2): 1988, 1989.

Feyenoord

• Eredivisie (1): 1998/99.
• Supercopa dos Países Baixos (1): 1999.

Véxase tamén

Ligazóns externas

• Datos do adestrador en BDFutbol (en castelán).