Hermidita

Na Galipedia, a Wikipedia en galego.
Hermidita
Información persoal
Nome Manuel Hermida Losada
Nacemento 27 de novembro de 1924
Lugar de nacemento Gondomar
Falecemento 17 de setembro de 2005
Lugar de falecemento Vigo
Posición dianteiro, dianteira
editar datos en Wikidata ]

Manuel Hermida Losada, máis coñecido como Hermidita, nado en Gondomar o 27 de novembro de 1924 e finado en Vigo o 17 de setembro de 2005, foi un futbolista galego das décadas de 1940 e 1950, que xogaba de dianteiro. O seu alcume naceu para distinguilo dos seus tíos e tamén xogadores do Celta, Pepe Hermida e Ángel Hermida.

Traxectoria[editar | editar a fonte]

Comezou a xogar no Peñasco e no Berbés, onde adestrou ás ordes de Gustavo López Corona. Con 19 anos, debutou no Real Club Celta, onde xogou durante 12 anos, disputando un total de 189 partidos nos que marcou 113 goles, feito que o converte no máximo goleador do Celta en toda a súa historia. Anotou 107 goles na primeira división española, sendo un dos máximos goleadores históricos desta categoría. Amais, marcou tres goles en segunda división e outros tantos en partidos de Promoción.

En 1956 fichou polo Córdoba CF, onde xogou unha tempada.

Véxase tamén[editar | editar a fonte]

Ligazóns externas[editar | editar a fonte]