Alex Ferguson

Sir Alex Ferguson
Ferguson en Old Trafford
Información persoal
Nome	Sir Alexander Chapman Ferguson
Nacemento	31 de decembro de 1941 (81 anos)
Lugar de nacemento	Govan e Glasgow
Altura	180 centímetros
Posición	Dianteiro
Carreira sénior
Anos	Equipos	Aprs	(Gls)
1957–1960	Queen's Park	31	(15)
1960–1964	St. Johnstone	37	(19)
1964–1967	Dunfermline Athletic	89	(66)
1967–1969	Rangers	41	(25)
1969–1973	Falkirk	95	(36)
1973–1974	Ayr United	24	(9)
Total		317	(170)
Selección nacional
1967	Escocia	7	(9)
Adestrador
1974	East Stirlingshire
1974–1978	St. Mirren
1978–1986	Aberdeen
1985–1986	Escocia
1986–2013	Manchester United
Na rede
Partidos e goles só en liga doméstica. [ editar datos en Wikidata ]

Sir Alexander Chapman "Alex" Ferguson, CBE, nado en Govan (Glasgow) o 31 de decembro de 1941, é un exadestrador e futbolista escocés. Foi técnico do Manchester United dende 1986 até 2013.

Traxectoria

Adestrou ao East Stirlingshire, ao St. Mirren e ao Aberdeen, desde onde se trasladou ao banco de Old Trafford. Tamén foi seleccionador escocés tras a morte de Jock Stein. Adestrou durante máis de dúas décadas ao Manchester United, converténdose no técnico con máis anos no equipo desde Matt Busby (1945-1969).

Con el no banco, o United obtivo once campionatos ligueiros e dous títulos europeos, máis títulos que en toda a súa historia até o mento. Tamén foi nomeado «adestrador do ano» en máis ocasións que calquera outro na historia. En 1999 converteuse no único adestrador en obter nun mesmo ano e cun equipo británico Premier League, FA Cup e Champions; así mesmo, é o único adestrador que se impuxo na FA Cup en cinco ocasiones, así como o único técnico en obter a Premier co mesmo equipo en tres ocasiones consecutivas (1998-99, 1999-00 e 2000-01; 2006-07, 2007-08 e 2008-09). En 2008 converteuse, despois de Brian Clough (Nottingham Forest) e Bob Pasley (Liverpool), no terceiro adestrador británico en obter en dúas ocasións a Champions League.

No plano individual é membro do English Football Hall of Fame e comandante do Imperio Británico (CBE), honra que lle concedeu Sabela II en 1999. Ademais, despois de conducir ao equipo da cidade cara á "idade de ouro" da súa historia, o concello de Aberdeen concedeulle o Freedom of the City of Aberdeen.